আফগানিস্তানৰ প্ৰতিটো ঘটনাই আজি বিশ্ববাসীক শিহৰিত কৰি তুলিছে। বিশেষকৈ উৰন্ত বিমানৰ পৰা পৰি যোৱা দুই যুৱকৰ ভিডিঅ’ আছিল অতিকৈ স্পৰ্শকাতৰ আৰু মৰ্মান্তিক।
মূল্যবান জীৱনৰ শেষ আশাৰ এক চূড়ান্ত ৰূপ ।কেনেকৈ কাবুলৰ পৰা উৰন্ত বিমানৰ চকাত উলমি পলাবলৈ চেষ্টা কৰা দুই যুৱক আদবাটতে শূণ্য আকাশৰ পৰা সৰি পৰিছিল। শেহতীয়াকৈ অহা খবৰ অনুসৰি এই দুই যুৱকৰ পৰিচয় উদ্ধাৰ হৈছে ।
ইফালে আফগানিস্তানৰ সংবাদ সংস্থা আৰিয়ানাৰ মতে সোমবাৰে কাবুল বিমান বন্দৰত আমেৰিকা যুক্তৰাষ্ট্ৰ ৰ বিমানৰ পৰা পৰি যোৱা দুই যুৱকৰ এগৰাকী আফগান ৰাষ্ট্ৰীয় ফুটবল দলৰ সদস্য আছিল।
আৰিয়ানাৰ তথ্য অনুসৰি জাকি আনৱাৰী নামৰ ১৭ বছৰ বয়সৰ এই খেলুৱৈ জন ইউ এচ এ এফ বয়িং চি-১৭ ৰ পৰা সৰি পৰি মৃত্যু বৰণ কৰিছিল। যিহেতু ক্ৰীড়াৰ সাধাৰণ সঞ্চালকালয়ে এই মৃত্যু নিশ্চিত কৰিছে।
