দেশৰ তাৰকা এথলীট অসম কন্যা হিমা দাস ক’ভিড মুক্ত হোৱাৰ খবৰে আনন্দিত কৰিছে ক্ৰীড়া প্ৰেমী সকলক৷বৃহস্পতিবাৰে নিশা টুইট কৰি জনাইছে যে তেওঁৰ কৰোণাৰ ৰিপোৰ্ট নিগেটিভ আহিছে আৰু হিমা বৰ্তমান ক’ভিড মুক্ত৷যোৱা সপ্তাহত জাতীয় শিবিৰলৈ ওভতাৰ পিছতে ক’ভিড ধৰা পৰিছিল হিমাৰ৷টুইটযোগে হিমাই কয়,-‘মই অতি আনন্দেৰে জনাইছো যে ক’ভিড পৰীক্ষাৰ ফল নিগেটিভ আহিছে৷ট্ৰেকলৈ ওভটিবৰ বাবে হেঁপাহেৰে বাট চাই আছোঁ৷আশা কৰোঁ সকলো ভালে আছে৷’
হিমাৰ সুস্থতাৰ খবৰ পাই সকাহ পাইছে দেশৰ ক্ৰীড়া প্ৰেমী সকলে লগতে হিমা অনাগত দিনবোৰলৈ শুভকামনা যাঁচিছে সকলোৱে৷
