সৰুসজাইত ৪জুনত চিনিয়ৰ এথলেটিকছ প্ৰতিযোগিতা

গুৱাহাটী ৩০ মে ২০২৩:- অসম এথলেটিকছ এছছিয়েশ্বনৰ উদ্যোগত গুৱাহাটীৰ সৰুসজাই ষ্টেডিয়ামত চলিত বৰ্ষৰ ৪জুন ৰবিবাৰে অনুষ্ঠিত হ’ব ৰাজ্যিক পৰ্যায়ৰ ৪৪ সংখ্যক ছিনিয়ৰ এথলেটিকছ চেম্পিয়নশ্বিপ। প্ৰতিযোগিতাখন ছিনিয়ৰ পৰ্যায়ত পুৰুষ-মহিলা উভয়ৰে মাজত অনুষ্ঠিত হ’ব। প্ৰতিযোগিতাত অংশগ্ৰহনৰ বাবে জিলা সমূহক খেলুৱৈৰ তালিকা ২জুন নিশা ১২বজাৰ পূৰ্বে অসম এথলেটিকছ সন্থাৰ ই-মেইলত জিলা ক্ৰীড়া সন্থাৰ পত্ৰৰ জৰিয়তে নামসমূহ প্ৰেৰণ কৰিবলৈ অনুৰোধ জনাইছে অসম এথলেটিকছ সন্থাৰ সভাপতি লক্ষ্য কোঁৱৰ আৰু অসম এথলেটিকছ সন্থাৰ সাধাৰণ সম্পাদক অশোক ভৰালীয়ে।