চীফ অৱ ডিফেন্স ষ্টাফ বিপিন ৰাৱাটক কঢ়িয়াই নিয়া হেলিকপ্টাৰ দূর্ঘটনাত পতিত

চীফ অৱ ডিফেন্স ষ্টাফ বিপিন ৰাৱাটক কঢ়িয়াই নিয়া হেলিকপ্টাৰ তামিলনাডুৰ কুন্নুৰত  ভয়াৱহ দূর্ঘটনাত পতিত হৈছে ৷ বিপিন ৰাৱাটৰ পত্নীসহ হেলিকপ্টাৰত মুঠ ১৪ জন লোক আছিল বুলি জানিব পৰা গৈছে ৷ ডিফেন্স এছিচটেণ্ট , ছিকিউৰিটি কামাণ্ডো আৰু  ভাৰতীয় বায়ু সেনাৰ   উচ্চপদস্থ বিষয়া  উপস্থিত আছিল বুলি জানিব পৰা গৈছে ৷  ভাৰতীয় বায়ু সেনাই এক টুইটযোগে বিপিন ৰাৱাট হেলিকপ্টাৰখনত থকা বুলি নিশ্চিত কৰিছে ৷ ইতিমধ্যে ১১ জন লোকৰ  মৃতদেহ  ঘটনাস্থলীৰ পৰা উদ্ধাৰ কৰিছে ৷  গুৰুতৰভাবে অগ্নিদগ্ধ হোৱা আন দুজন লোকক  হাস্পতালত ভর্ত্তি কৰা হৈছে ৷ দিল্লীৰ পৰা ছুলুৰ অভিমুখে যোৱাৰ সময়তে এই দূর্ঘটনা সংঘটিত হয় ৷ ইতিমধ্যে এই দূর্ঘটনা সন্দর্ভত তদন্ত ঘোষণা কৰিছে ভাৰতীয় বায়ু সেনাই ৷