স্বাধীনতাৰ ৭৫ বছৰ উপলক্ষে আয়োজন কৰা আজাদী কা অমৃত মহোৎসৱৰ হৰ ঘৰ ত্ৰিৰংগা কাৰ্যসূচীক সন্মান জনাই উপায়ুক্ত মৃগেশ নাৰায়ণ বৰুৱাই শ্বহীদ কুশল কোঁৱৰৰ বাসগৃহত পতাকা উত্তোলন কৰে। কুশল কোঁৱৰ ফাঁচি হোৱা যোৰহাট জিলা কাৰাগাৰৰ কয়দী সকলে সুন্দৰভাৱে নিৰ্মাণ কৰা জাতীয় পতাকাখন ১৪২ নং চি আৰ পি এফ বাহিনীয়ে নেতৃত্ব লৈ স=সন্মানে যোৰহাট কাৰাগাৰৰ পৰা কুশল কোঁৱৰৰ গৃহলৈ আনে।
ইফালে কুশল কোঁৱৰৰ পৰিয়াল বৰ্গই চাকি বন্তি জ্বলাই গায়ন=বায়নেৰে পতাকাখনক ঘৰলৈ আদৰি নিয়ে। এই কাৰ্যসূচীত গোলাঘাট জিলা উপায়ুক্ত মৃগেশ নাৰায়ণ বৰুৱা, ধনশিৰি মহকুমাৰ মহকুমাধিপতি দিনছেংফা বৰুৱা, মহকুমা প্ৰশাসন তথা ১৪২নং চি আৰ পি এফ বাহিনী উপস্থিত থাকি কাৰ্যসূচী সফল ৰূপায়ণ কৰে।
