ৰটাৰী ক্লাব অফ গুৱাহাটী আইকন ৰ সহযোগত এইমছ গুৱাহাটীত স্তনপান কক্ষ প্ৰতিষ্ঠা

গুৱাহটীৰ এইমছত 20 এপ্ৰিল তাৰিখে ৰটাৰী ক্লাব অফ গুৱাহাটী আইকন ৰ সহযোগত এটি স্তনপান কক্ষ প্ৰতিষ্ঠা কৰা হয়। এইমছৰ বৰ্হি বিভাগত প্ৰতিষ্ঠা কৰা এই স্তনপান কক্ষটোয়ে চিকিৎসালয় খনলৈ অহা ৰোগী তথা অভিভাৱক সকলক তেওঁলোকৰ লগত অনা কেঁচুৱাক স্তনপান কৰাবলৈ যথেষ্ট সুবিধা প্ৰদান কৰিব । স্তনপান কক্ষ টো উন্মোচন কৰে এইমছ গুৱাহাটীৰ সঞ্চালক প্ৰফেছৰ অশোক পুৰানিকে । ক্লাবৰ পৰামৰ্শদাতা ৰতাৰীয়ান ৰুদ্ৰজীত লস্কৰে জানিবলৈ দিয়ে যে এই স্তনপান কক্ষ টো ৰটাৰী ক্লাব অফ গুৱাহাটী আইকন ৰ সহযোগত প্ৰতিষ্ঠা কৰা দ্বিতীয় প্ৰকল্প । প্ৰথম প্ৰকল্প ইতিমধ্যে গুৱাহাটী ৰেল ষ্টেচনৰ 1 নম্বৰ প্লেটফৰ্মত প্ৰতিষ্ঠা কৰা হৈছে। ৰতাৰিয়ান ডা: মৌচুমী কৃষ্ণাত্রেয়াই আত ধৰা এই উদ্বোধনী অনুষ্ঠানটোত এইমছ গুৱাহাটীৰ বিভিন্ন বিভাগৰ অধ্যাপক সকলৰ উপৰিও স্তানপান কক্ষটোৰ দাতা ৰতাৰিয়ন বিশ্বনাথ বিজয় খেতাওঁতৰ লগতে ৰটাৰী ক্লাব অফ গুৱাহাটী আইকনৰ বহুসংখ্যক সদস্য উপস্থিত থাকে।