ৰেলৰ ওপৰত উঠি ছেলফি ল’বলৈ যোৱাটোৱেই কাল হ’ল এজন ১৬ বছৰীয়া কিশোৰৰ ৷ ৰেলৰ ওপৰত উঠি ছেলফি ল’বলৈ চেষ্টা কৰাৰ সময়তে বিদ্যুৎস্পৃষ্ট হৈ মৃত্যক সাৱটি ল’বলগীয়া হয় ছুহেইল মনচুৰী নামৰ কিশোৰজনৰ ৷ এই ঘটনা মধ্য প্ৰদেশৰ ছত্ৰপুৰ ৰেল ষ্টেচনত সংঘটিত হয় ৷বৃহস্পতিবাৰে সংঘটিত হয় এই শোকাৱহ ঘটনা ৷ ছত্ৰপুৰ ৰে’ল ষ্টেচনৰ মাষ্টাৰ শুভংক পেটেলে কয়, “ছুহেইল মনচুৰী নামৰ কিশোৰজনে ৰৈ থকা ৰে’লইঞ্জিনত উঠি ছেলফি ল’বলৈ চেষ্টা কৰোঁতে বিদ্যুৎস্পৃষ্ট হয় ৷”
নিহত কিশোৰজনৰ বন্ধু আশ্ৰাফে প্ৰকাশ কৰা অনুসৰি মনচুৰীয়ে পুৱা ৰেল ষ্টেচনলৈ গৈছিল, য’ত তেওঁ মোবাইল ফোনেৰে ছেলফি ল’বলৈ চেষ্টা কৰিছিল ৷ এই ঘটনাক লৈ এটা গোচৰ ৰুজু কৰা হৈছে ৷
