শিলবাৰীত সদৌ অসম গৰিয়া-মৰিয়া-দেশী জাতীয় পৰিষদৰ ১৮ সংখ্যক প্ৰতিষ্ঠা দিৱস উদযাপন। সদৌ অসম গৰিয়া-মৰিয়া-দেশী জাতীয় পৰিষদৰ ১৮ সংখ্যক প্ৰতিষ্ঠা দিৱসৰ কাৰ্যসূচীৰে কোকৰাঝাৰ জিলাৰ বগৰিবাৰী থানাৰ অন্তৰ্গত শিলবাৰীত উদযাপন কৰা হয়। প্ৰতিষ্ঠা দিৱসৰ কাৰ্যসূচী অনুসৰি ৰাতিপুৱা দহ বজাত কোকৰাঝাৰ জিলাৰ গৰিয়া-মৰিয়া দেশী জাতীয় পৰিষদৰ সভাপতি ছেলিম পাটগিৰিয়ে পৰিষদৰ পতাকা উত্তোলন কৰি শিলবাৰী পাব্লিক হাই স্কুলত বৃক্ষৰোপণ কৰে।
কাৰ্যসূচী শুভাৰম্ভ কৰাৰ পিছত স্বহীদ বেদীদ মাল্যাৰোপন কৰে কোকৰাঝাৰ জিলাৰ গৰিয়া-মৰিয়া দেশী জাতীয় পৰিষদৰ সভাপতি ছেলিম পাটগিৰিৰ লগতে আন আন সদস্যসকলে। শিলবাৰী আঞ্চলিক গৰিয়া-মৰিয়া-দেশী জাতীয় পৰিষদৰ সভাপতি শুকুৰ আলীৰ সভাপতিত্বত মুকলি সভাৰ উদ্দেশ্য ব্যাখ্যা কৰে কোকৰাঝাৰ জিলাৰ জিলা সম্পাদক আকিনুৰ ইছলাম।
উক্ত সভাত সদৌ অসম গৰিয়া-মৰিয়া-দেশী জাতীয় পৰিষদৰ মূল দাবি গৰিয়া -মৰিয়া দেশী ও জনগোষ্ঠীৰ বাবে উন্নয়ন পৰিষদ গঠন আৰু বহু কেইটা দাবীৰ ওপৰত আলোচনা কৰা দেখা যায়।
সাপটগ্ৰামৰ পৰা লাতিফুল ইছলামৰ ৰিপোৰ্ট
