তাছমেনিয়াৰ উপকূলত আৱদ্ধ হৈ মৃত্যুক আকোৱালি ল’লে শতাধিক তিমিয়ে

বুধবাৰে তাছমেনিয়াৰ পশ্চিম উপকূলত সংঘটিত হয় এটা শোকাৱহ ঘটনা ৷ উপকূলটোত প্ৰায় ২৩০ টা  তিমি আৱদ্ধ হৈ পৰাৰ ফলত অধিক সংখ্যক তিমিৰে মৃত্যু হয় ৷  অষ্ট্ৰেলিয়াৰ বিষয়াসকলে এই কথা সদৰী কৰিছে ৷

ৰাজ্যখনৰ প্ৰাকৃতিক সম্পদ আৰু পৰিৱেশ বিভাগে কয় যে প্ৰায় ২৩০টা তিমিৰ এটা জাক মেকুৱেৰী বন্দৰৰ ওচৰত আবদ্ধ হৈ পৰে ৷ আকাশৰ পৰা লোৱা ছবিত  দেখা পোৱা অনুসৰি  কেইবা ডজনো ক’লা বৰণৰ -স্তন্যপায়ী প্ৰাণীবিধৰ বহু সংখ্যকৰ মৃতদেহ  শাৰী শাৰীকৈ পৰি আছে ৷ প্ৰায় দুবছৰ আগতে একেটা  অঞ্চলতে  আন এজাক তিমি আৱদ্ধ হৈ পৰিছিল ৷ সেই জাকটোত আছিল   ৫০০  তিমি ।  ইয়াৰে চাৰি শতাধিকৰে মৃত্যু ঘটিছিল ৷ তিমিসমূহ কিয় এনেদৰে আৱদ্ধ হৈ পৰিছে সেয়া এতিয়াও স্পষ্ট হোৱা নাই ৷

ইতিমধ্যে  সাগৰীয় সংৰক্ষণ বিশেষজ্ঞ আৰু তিমি উদ্ধাৰকাৰী দল এই স্থানলৈ ৰাওনা হৈছে ৷  এই সপ্তাহৰ আৰম্ভণিতে তাছমেনিয়া ৰাজ্যৰ এটা বিলত  আৱদ্ধ হৈ ১৪টা  তিমিৰ মৃত্যু হৈছিল ৷