উত্তৰাখণ্ডৰ কেদাৰনাথ ধামৰ সমীপত আজি তীৰ্থযাত্ৰী কঢ়িওৱা এখন হেলিকপ্টাৰ দুৰ্ঘটনাত পতিত হৈ এজন পাইলটসহ ৬ জন লোকৰ মৃত্যু হয়।
গাৰু চট্টীৰ সমীপত হেলিকপ্টাৰখন দুৰ্ঘটনাগ্ৰস্ত হোৱা বুলি বিষয়াসকলে সদৰী কৰিছে ৷ এই পৰ্যন্ত ৬ টা মৃতদেহ উদ্ধাৰ কৰা হৈছে ৷ প্ৰাপ্ত তথ্য অনুসৰি কেদাৰনাথৰ পৰা উৰণৰ ঠিক পিছতেই দুৰ্ঘটনাগ্ৰস্ত হয় হেলিকপ্টাৰখন। হেলিকপ্টাৰখনত এজন পাইলটকে ধৰি মুঠ ৭জন লোক আছিল। বেয়া বতৰ আৰু কুৱলীৰ বাবে দুৰ্ঘটনাটো সংঘটিত হোৱা বুলি আশংকা কৰা হৈছে ।
অসামৰিক বিমান পৰিবহণ মন্ত্ৰী জ্যোতিৰাদিত্য সিন্ধিয়াই এই ঘটনাক লৈ দুখ প্ৰকাশ কৰি পৰিস্থিতিৰ ওপৰত নিৰন্তৰ নিৰীক্ষণ কৰি থকা বুলি সদৰী কৰে ৷
