সোমবাৰে দিল্লী আৰক্ষীৰ এটা চাইবাৰ গোটে এজন ছ’চিয়েল মিডিয়া ব্যৱহাৰকাৰীৰ অভিযোগত ২০১৮ চনৰ এটা টুইটৰ বাবে তথ্য পৰীক্ষা কৰা (fact checking) ৱেবছাইট ‘অল্টনিউজ’ৰ সহ-প্ৰতিষ্ঠাপক মহম্মদ জুবেইৰক ধৰ্মীয় অনুভূতিক আঘাত কৰাৰ অভিযোগত গ্ৰেপ্তাৰ কৰে।
আৰক্ষীয়ে কৈছিল যে তেওঁলোকে আইপিচি ধাৰা ১৫৩-এ (বিভিন্ন গোটৰ মাজত শত্ৰুতা বৃদ্ধি কৰা) আৰু ২৯৫-এ (বিদ্বেষপূৰ্ণ কাৰ্য্য, ধৰ্মীয় অনুভূতিক ক্ষুব্ধ কৰাৰ উদ্দেশ্যে কৰা) অধীনত এজন সামাজিক মাধ্যম ব্যৱহাৰকাৰীয়ে জুবেইৰৰ বিৰুদ্ধে এজাহাৰ দাখিল কৰিছিল। তেওঁলোকে লগতে জনাইছিল যে তেওঁক এদিনৰ বাবে আৰক্ষীৰ জিম্মালৈ প্ৰেৰণ কৰা হৈছে আৰু মঙলবাৰৰ পিছত জামিনৰ শুনানিৰ বাবে আদালতত হাজিৰ কৰা হ’ব।
আৰক্ষীসূত্ৰই জনাইছে যে গোচৰটোৰ অভিযোগকাৰীজনৰ টুইটাৰৰ নাম হনুমান ভক্তৰ যাৰ প্ৰফাইল ফটো হিচাপে ভগৱান হনুমানৰ ছবি আছে। সোমবাৰে নিশা তেওঁৰ টুইটাৰ একাউণ্টটোত অনুসৰণকাৰী আছিল ৪০০ৰো অধিক ।
এই মাহৰ আৰম্ভণিতে, জুবেইৰে তদানীন্তন বিজেপি মুখপাত্ৰ নুপুৰ শৰ্মাই পয়গম্বৰ সন্দৰ্ভত কৰা মন্তব্যৰ ওপৰত আলোকপাত কৰিছিল যাৰ বাবে কেইবাখনো দেশে নিন্দা কৰিছিল।
জুবেইৰৰ গ্ৰেপ্তাৰক তীব্ৰ সমালোচনা কৰিছে কংগ্ৰেছ, টিএমচি, আৰজেডি, এআইএমআইএম আৰু বাওঁপন্থী দলসমূহকে ধৰি বিৰোধী সকলে ৷ যিয়ে বিজেপি নেতৃত্বাধীন এন ডি এ চৰকাৰক ‘ইয়াৰ ঘৃণামূলক ভাষণ আৰু ভুৱা প্ৰচাৰ উন্মোচন কৰা’ সকলৰ বিৰুদ্ধে কঠোৰ পদক্ষেপ লোৱাৰ অভিযোগ উত্থাপন কৰিছিল।
এই সংক্ৰান্তত কংগ্ৰেছ নেতা ৰাহুল গান্ধীয়ে টুইট কৰি কয় যে ‘সত্যৰ কেৱল এটা কণ্ঠস্বৰ গ্ৰেপ্তাৰ কৰিলেও এহেজাৰ অধিক জন্ম হ’ব’। আন কেইবাজনো বিৰোধী নেতাই গ্ৰেপ্তাৰত ‘শোক’ প্ৰকাশ কৰে, ইয়াক ‘উপযুক্ত প্ৰক্ৰিয়াৰ উলংঘন’ বুলি অভিহিত কৰে, আৰু জুবেইৰক ‘তৎক্ষণাৎ মুকলি’ কৰিবলৈ দাবী কৰে।
জুবেইৰক গ্ৰেপ্তাৰ কৰিছিল বিশেষ কোষৰ অধীনত চাইবাৰ অপৰাধ আৰু চাইবাৰ ফৰেনচিকৰ গোচৰ সমূহৰ দায়িত্বত থকা দিল্লী আৰক্ষীৰ ইন্টেলিজেন্স ফিউজন এণ্ড ষ্ট্ৰেটেজিক অপাৰেচনচ গোটে ।
এজন জ্যেষ্ঠ আৰক্ষী বিষয়াই কৈছিল যে টুইটটোত এখন হোটেলৰ ছবি দেখুওৱা হৈছিল, য’ত ‘হনিমুন হোটেল’ ক ‘হনুমান হোটেল’লৈ পৰিৱৰ্তন কৰা হৈছিল। সেয়েহে অভিযোগকাৰীজনে টুইটাৰত এটা স্ক্ৰীণশ্বট পোষ্ট কৰি দিল্লী আৰক্ষীক টেগ কৰিছিল আৰু লিখিছিল: ‘আমাৰ ঈশ্বৰ হনুমানজীক মধুচন্দ্রিকাৰ সৈতে সংযুক্ত কৰাটো হিন্দুসকলৰ পোনপটীয়া অপমান কিয়নো তেওঁ ব্ৰহ্মচাৰী। দয়া কৰি এই লোকজনৰ বিৰুদ্ধে ব্যৱস্থা লওঁক ।
জুবেইৰে ২০১৮ চনত এই টুইটটো পোষ্ট কৰিছিল যদিও মানুহে শেহতীয়াকৈ বিষয়টো উত্থাপন কৰি আহিছে। আমি এই ক্ষেত্ৰত পদক্ষেপ লৈছো আৰু এই বিষয়ক এখন এজাহাৰো পঞ্জীয়ন কৰা হৈছে বুলি , বিষয়াজনে কয়।
Please note. pic.twitter.com/gMmassggbx
— Pratik Sinha (@free_thinker) June 27, 2022
গ্ৰেপ্তাৰ হোৱাৰ পিছতে অল্ট-নিউজৰ সহ-প্ৰতিষ্ঠাপক প্ৰতীক সিনহাই টুইট কৰে: ‘জুবেইৰক আজি দিল্লীৰ বিশেষ চেলে ২০২০ চনৰ এটা গোচৰৰ তদন্তৰ বাবে মাতিছিল যাৰ বাবে তেওঁ ইতিমধ্যে উচ্চ ন্যায়ালয়ৰ পৰা গ্ৰেপ্তাৰ হোৱাৰ বিৰুদ্ধে সুৰক্ষা লাভ কৰিছিল। অৱশ্যে সন্ধিয়া প্ৰায় ৬.৪৫ বজাত আমাক কোৱা হৈছিল যে তেওঁক আন কোনো এজাহাৰত গ্ৰেপ্তাৰ কৰা হৈছে যাৰ বাবে কোনো জাননী দিয়া হোৱা নাছিল যিটো তেওঁক গ্ৰেপ্তাৰ কৰা ধাৰাবোৰৰ বাবে আইনৰ অধীনত বাধ্যতামূলক। বাৰে বাৰে অনুৰোধ কৰা স্বত্বেও এফ আই আৰৰ কপি তেওঁলোকক দেখুওৱা হোৱা নাছিল ।
এই গোচৰটো সন্দৰ্ভত সিনহাই ২০২০ চনৰ ছেপ্টেম্বৰৰ কথা উল্লেখ কৰিছিল, যেতিয়া আৰক্ষীয়ে জুবেইৰক এজন টুইটাৰ ব্যৱহাৰকাৰীৰ আপত্তিজনক বাৰ্তাৰ সঁহাৰি দিয়াৰ পিছত পকচো আইনৰ অধীনত গোচৰ ৰুজু কৰিছিল। অৱশ্যে দিল্লী উচ্চ ন্যায়ালয়ে আৰক্ষীক সেই গোচৰটোৰ সন্দৰ্ভত তেওঁৰ বিৰুদ্ধে বলপূৰ্বক ব্যৱস্থা লোৱাৰ পৰা বিৰত ৰাখিছিল।
আৰক্ষী সূত্ৰই জনোৱা মতে বেংগালুৰুস্থিত জুবেইৰ আৰু তেওঁৰ অধিবক্তাসকলে দুপৰীয়া প্ৰায় ২ বজাত দ্বাৰকাত আইএফএছঅ’ৰ কাৰ্যালয়ত উপস্থিত হৈছিল৷ ‘আৰক্ষীয়ে তেওঁক সোধা-পোছা আৰম্ভ কৰিছিল, আৰু আবেলি প্ৰায় ৩.১৫ বজাত আন এজন তদন্ত বিষয়াই তেওঁক ৪১ চিআৰপিচি ধাৰাৰ অধীনত (বৰ্তমানৰ ঘটনাত) জাননী প্ৰদান কৰিছিল আৰু তেওঁক তদন্তত যোগদান কৰিবলৈ কৈছিল। সন্ধিয়া প্ৰায় ৫.৩০ বজাত, তেওঁক গ্ৰেপ্তাৰ কৰা হৈছিল ৷
আন এটা টুইটত সিনহাই লিখিছিল: ‘চিকিৎসা পৰীক্ষাৰ পিছত জুবেইৰক এক অজ্ঞাত স্থানলৈ লৈ যোৱা হৈছে। জুবেইৰৰ উকীল বা মোক তেওঁক ক’লৈ লৈ যোৱা হৈছে জনোৱা নাই। আমি তেওঁৰ সৈতে পুলিচ ভানত আছো।
আনহাতে ডিচিপি মালহোত্ৰাই এক বিবৃতিত কয়: ‘২০২২ চনৰ জুন মাহত, যেতিয়া দিল্লী আৰক্ষীক এটা টুইটাৰ হেণ্ডেলে সতৰ্ক কৰি দিছিল যে মহম্মদ জুবেইৰে আগতে এটা আপত্তিজনক টুইট কৰিছিল আৰু তেওঁৰ অনুগামী/সামাজিক মাধ্যম সংস্থাসমূহে ট্ৰেডত বিতৰ্কৰ সৃষ্টি কৰিছিল, তেতিয়া তেওঁক এই ক্ষেত্ৰত পৰীক্ষা কৰা হৈছিল আৰু তেওঁৰ ভূমিকা আপত্তিজনক বুলি বিবেচিত কৰা গৈছিল। তেওঁ কয় যে ‘তদন্তৰ সময়ত, মহম্মদ জুবেইৰৰ আচৰণ আছিল সন্দেহজনক, যাৰ ফলত এই বিষয়ত ষড়যন্ত্ৰ উন্মোচন কৰিবলৈ তেওঁক জিম্মাত ৰাখি সোধা-পোছা কৰা হৈছিল।
ইফালে ডিজিটেল সংবাদ মাধ্যমৰ এক সংগঠন ডিআইজিআইপিইউবি (DIGIPUB) য়েও আৰক্ষীৰ এই পদক্ষেপক তীব্ৰ সমালোচনা কৰে ৷ যিয়ে মহম্মদ জুবেইৰৰ ‘গ্ৰেপ্তাৰক তীব্ৰ গৰিহণা দি’ এক বিবৃতি প্ৰকাশ কৰিছে ।
