মহানগৰীৰ নৱ নিৰ্মিত নীলাচল উৰণসেতুত আজি সংঘটিত হৈছে এক ভয়ংকৰ পথ দুৰ্ঘটনা। উৰণসেতুঁখনত সংঘটিত পথ দুর্ঘটনাটোত এজন লোক থিতাতে নিহত হয় ৷ মালিগাঁৱস্থিত উৰণসেতুখনত সংঘটিত দুৰ্ঘটনাৰ ফলত থিতাতে নিহত লোকজনৰ পৰিচয় সম্পৰ্কে জানিব পৰা হোৱা নাই।
জানিব পৰা মতে তীব্ৰ বেগেৰে আহি আছিল এখন ট্ৰাক। তীব্ৰ বেগী ট্ৰাকখনে এখন চিটি- বাছসহ ৪খনকৈ বাইক মহতিয়াই নিয়ে। যাৰ ফলত এজন লোক নিহত হোৱাৰ লগতে কেইবাজনো আহত হয়।
ইফালে দুৰ্ঘটনা সংঘটিত কৰিয়ে ট্ৰাকসহ চলকজনে পলায়ন কৰে। উল্লেখ্য যে, ইয়াৰ পূৰ্বেও মালিগাঁৱস্থিত নীলাচল উৰণসেতুত পথ দুৰ্ঘটনা সংঘটিত হৈছিল। এই দুৰ্ঘটনাৰ ফলত উৰণসেতুখনৰো ক্ষতিসাধন হৈছে । উৰণসেতুঁখনত অবিজ্ঞানসন্মতভাৱে দিয়া স্পীডব্ৰেকাৰৰ বাবেও সঘন দুর্ঘটনা সংঘটিত হৈ আহিছে
