ডিমৰীয়াৰ মালয়বাৰীত এক অঘটন সংঘটিত হৈছে ! কলং নৈত গা ধুবলৈ গৈ সন্ধানহীন হৈছে এজন লোক ৷ ডিমৰীয়াৰ মালয়বাৰীত এই অঘটন সংঘটিত হৈছে। কলং নৈত গা ধুবলৈ গৈ সন্ধানহীন হোৱা লোকজন মালয়বাৰী বৰঘূলিৰ দেৱেন দাস বুলি জানিব পৰা গৈছে। দেৱেন বুধবাৰৰ বিয়লিৰ পৰা সন্ধানহীন হৈ আছে।
তেওঁৰ পৰিয়াল আৰু স্থানীয় লোকে বিচাৰ খোচাৰ কৰি কোনো সম্ভেদ নোপোৱাত ক্ষেত্ৰী আৰক্ষীক খবৰ দিয়ে। ঘটনাস্থলীত ক্ষেত্ৰী আৰক্ষীৰ লগতে এছডিআৰএফ আৰু এনডিআৰএফ বাহিনীয়ে উদ্ধাৰ অভিযান আৰম্ভ কৰিছে।
পৰিয়ালৰ লোকে জনোৱা অনুসৰি, দেৱেন দাসে তেওঁৰ পৰিয়ালৰ এজন লোকৰ মৃত্যু হোৱাত সৎকাৰলৈ যোৱাৰ পাছত নৈত গা ধুবলৈ বুলি গৈছিল। কিন্তু ঘৰলৈ উভতি নহাত পৰিয়ালৰ লগতে স্থানীয় ৰাইজে তেওঁক বিচাৰিবলৈ আৰম্ভ কৰে। পৰিয়ালৰ লোকে নৈখনত পিচলি পৰা বুলি সন্দেহ কৰিছে ৷
