নিশা তিনিচুকীয়াৰ ডিমৰুগুৰি গাঁৱত চাঞ্চল্যকৰ ঘটনা সংঘটিত হৈছে । এটা পৰিয়ালৰ ঘৰৰ ওপৰত এটা ডাঙৰ শিলৰ টুকুৰা সদৃশ সামগ্ৰী সৰি পৰে ৷ প্ৰচণ্ড শব্দৰে সৰি পৰা শিলসদৃশ সামগ্ৰী বিধ দেখি পৰিয়ালটো আচৰিত হৈ পৰে ৷ পৰৱর্তী সময়ত তেওঁলোকৰ ঘৰত স্থানীয় লোকসকলগোট খায় ৷ সকলোৱে এইটো উল্কাপিণ্ডৰ টুকুৰা বুলি সন্দেহ কৰিছে ৷ কোকিল গগৈৰ বাসগৃহতএই আশচর্যজনক সামগ্ৰীবিধ খহি পৰা বুলি জানিব পৰা গৈছে ৷
জানিব পৰা মতে মঙলবাৰে সন্ধিয়া সংঘটিত হয় এই ঘটনা। দিমৰুগুৰি গাঁৱৰ বাসিন্দা কোকিল গগৈৰ ঘৰত শিলাখণ্ডৰ টুকুৰাটো খহি পৰাৰ ফলত কোনো লোক হতাহত হোৱা নাই বুলি জানিব পৰা গৈছে ৷ শিলাখণ্ডটো সৰি পৰাৰ বাতৰি বিয়পি পৰাৰ লগে লগে স্থানীয় লোকসকলৰ মাজত উৎসকুতা বএদ্ধি পায় ৷ বহু লোকে শিলাখণ্ডটো চাবলৈ তেওঁলোকৰ বাসগৃহত ভিৰ কৰে ৷ অৱশ্যে এয়া উল্কাপিণ্ডৰ টুকুৰা হয়নে নহয় সেয়া নিশ্চিত হোৱা নাই।
