কটন বিশ্ববিদ্যালয়ত ভয়ংকৰ ঘটনা, দ্বিতীয় মহলাৰ পৰা জঁপিয়াই আত্মহত্যাৰ চেষ্টা

কটন বিশ্ববিদ্যালয়ত  আজি এক ভয়ংকৰ ঘটনা সংঘটিত হয় । বিশ্ববিদ্যালয়খনৰ প্ৰশাসনিক ভৱনৰ দ্বিতীয় মহলাৰ পৰা জঁপিয়াই এগৰাকী ছাত্ৰীয়ে আত্মহত্যাৰ চেষ্টা চলায় ৷ ইয়াৰ পাছতে বিশ্ববিদ্যালয়খনত হুৱাদুৱা লাগে ৷

আঘাতপ্ৰাপ্ত ছাত্ৰীগৰাকীক নেমকেয়াৰ হাস্পতালত ভৰ্তি কৰোৱা হৈছে। আহত ছাত্ৰগৰাকী উচ্চতৰ মাধ্যমিক প্ৰথম বৰ্ষত অধ্যয়নৰত বুলি জানিব পৰা গৈছে । ছাত্ৰীগৰাকীৰ ঘৰ গোৱালপাৰাত ৷ জানিব পৰা মতে, প্ৰায় দুমাহ ধৰি মানসিক চাপত ভুগি আছিল ছাত্ৰীগৰাকী। আৰক্ষীয়ে উদ্ধাৰ কৰিছে ছাত্ৰীগৰাকীয়ে লিখা এটা নোট। ছাত্ৰী গৰাকীৰ স্বাস্থ্যৰ অৱস্থা সংকটজনক বুলি জানিব পৰা গৈছে ৷