টিহু,১২, অক্টোবৰঃ টিহু মহাবিদ্যালয়ৰ ছাত্ৰ একতা সভাৰ ১১ অক্টোৱৰত অনুষ্ঠিত হোৱা নিৰ্বাচনত সভাপতি সম্পাদককে ধৰি ১১টা পদত আছু সমৰ্থিত প্ৰাৰ্থীয়ে জয়লাভ কৰাৰ বিপৰীতে ১টা পদত জয়লাভ কৰে অখিল ভাৰতীয় বিদ্যাৰ্থী পৰিষদৰ সমৰ্থিত প্ৰাৰ্থীয়ে । নিৰ্বাচনৰ ফলাফল ঘোষনা কৰাৰ পাছতেই মহাবিদ্যালয়খনত আছু শিৱিৰত আনন্দৰ ঢৌ দেখিবলৈ পোৱা যায়। বিজয়ী প্ৰাৰ্থী সকলক লৈ সন্ধিয়া টিহু নগৰত আছুৰ কৰ্মী সমৰ্থক সকলে এক শোভাযাত্ৰা উলিয়াই আনন্দ উল্লাস প্ৰদৰ্শন কৰা পৰিলক্ষিত হয় ।
উল্লেখ্য যে আছু সমৰ্থিত সভাপতি পদত জ্যোতিৰ্ময় ভূঞা আৰু সম্পাদক পদত সুপ্ৰীতম কলিতাই জয়লাভ কৰে । আনপিনে আছু সমৰ্থিত বিজয়ী প্ৰাৰ্থীসকল ক্ৰমে ছাত্ৰ একতা সভাৰ সহকাৰী সাধাৰণ সম্পাদকৰ পদত দিম্পী নাথ ,গুৰু খেল বিভাগৰ পদত নিপুজ্যোতি পাঠক,ল’ৰাৰ জিৰণী কোঠাত মানবেন্দ্ৰ বৰ্মন, ছোৱালীৰ জিৰণী কোঠাৰ পদত দীপশিখা ডেকা, আলোচনী সম্পাদকৰ পদত শান্তনু হালৈ, সমাজসেৱা বিভাগৰ পদত অংকুৰ দাস, সাংস্কৃতিক বিভাগৰ সম্পাদকৰ পদত অনুপমা মদাহী,লঘু খেল বিভাগৰ সম্পাদকৰ পদত হীৰকজ্যোতি কলিতা আৰু সুকুমাৰ কলা বিভাগৰ পদত কৰীণা দাস। আনহাতে, অখিল ভাৰতীয় বিদ্যাৰ্থী পৰিষদৰ সমৰ্থনত নিৰ্বাচিত প্ৰাৰ্থী গৰাকী হ’ল তৰ্ক বিভাগত ৰক্তিম ৰাজবংশী। ইপিনে বিজয়ী প্ৰাৰ্থী সকলক টিহু আঞ্চলিক ছাত্ৰ সন্থাই অভিনন্দন জনাইছে। ফলাফল ঘোষণাৰ অন্তত টিহু আঞ্চলিক ছাত্ৰ সন্থাৰ কাৰ্য্যালয়ৰ সন্মুখত সদৌ নলবাৰী জিলা ছাত্ৰ সন্থাৰ উপদেষ্টা গুণজ্যোতি পাঠক ,অক্ষয় ডেকা,সভাপতি নিৰুজউদ্দিন আহমেদ ,সাধাৰণ সম্পাদক সমৰজ্যোতি মহন্তই বিজয়ী প্ৰাৰ্থীসকলক শুভেচ্ছা জ্ঞাপন কৰে।
