পাকিস্তানৰ এফ ১৬ বিমান ধাৰাশায়ী কৰা অভিনন্দন ৱর্ধমানক বীৰ চক্ৰ সন্মান প্ৰদান

লাইন অব কন্ট্ৰ’ল অতিক্ৰমি পাকিস্তানৰ এফ ১৬ বিমান গুলীয়াই ধাৰাশায়ী কৰা গ্ৰুপ কেপ্তেইন অভিনন্দন ৱর্ধমানক আজি ৰাষ্ট্ৰপতি ৰামনাথ কোবিন্দে বীৰ চক্ৰ সন্মান প্ৰদান কৰে ৷ ৰাষ্ট্ৰপতি ভৱনত আয়োজিত এক গাম্ভীর্যপূর্ণ অনুষ্ঠানত  কোবিন্দে তেওক এই সন্মানেৰে সন্মানিত কৰে ৷

বীৰ চক্ৰ হৈছে  তৃতীয় সর্ব্বোচ্চ ৱাৰটাইম গেলেন্ট্ৰী  সন্মান ৷ পৰম বীৰ চক্ৰ আৰু মহাবীৰ চক্ৰ সন্মানৰ পাছতেই হৈছে বীৰ চক্ৰ সন্মান ৷ ২০১৯ চনৰ ২৭ ফেব্ৰুৱাৰীত ৱর্ধমানে পাকিস্তানৰ বিমান গুলীয়াই ধাৰাশায়ী কৰিছিল ৷

Delhi: Wing Commander (now Group Captain) Abhinandan Varthaman being accorded the Vir Chakra by President Ram Nath Kovind, for shooting down a Pakistani F-16 fighter aircraft during aerial combat on February 27, 2019. pic.twitter.com/vvbpAYuaJX

— ANI (@ANI) November 22, 2021

শেহতীয়াকৈ ৱর্ধমানক উইং কামাণ্ডাৰ পদৰ পৰা গ্ৰুপ কেপ্তেইনলৈ পদোন্নতি প্ৰদান কৰা হৈছে ৷ আজিৰ অনুষ্ঠানতে তিনি বছৰ পূর্বে কাশ্মীৰত সন্ত্ৰাসবাদীৰ গুলীত প্ৰাণ হেৰুওৱা প্ৰকাশ যাদবক মৰোণত্তৰভবে কির্তি চক্ৰ সন্মান প্ৰদান কৰা  হয় ৷