পুনৰ ডাম্পাৰৰ দৌৰাত্ম্যত ফৰকাটিঙত প্ৰাণ গ’ল প্ৰবক্তাৰ

ৰাজ্যখনত এতিয়াও হ্ৰাস পোৱা নাই ডাম্পাৰৰ দৌৰাত্ম্য ৷ পুনৰ তীব্ৰবেগী ডাম্পাৰৰ খুন্দাত প্ৰাণ গ’ল এজন নিৰীহ লোকৰ ৷  দুৰ্ঘটনাত  থিতাতে প্ৰাণ হেৰুৱালে ফৰকাটিং মহাবিদ্যালয়ৰ এগৰাকী প্ৰবক্তাই ৷ গোলাঘাট মেৰাপানী সংযোগী পথৰ শিঙিৰজানত তীব্ৰবেগী ডাম্পাৰ আৰু অল্ট’ৰ মাজত হোৱা মুখামুখি সংঘৰ্ষৰ ফলত ফৰকাটিং মহাবিদ্যালয়ৰ  প্ৰবক্তা অংকুৰ শইকীয়াই দুৰ্ঘটনা স্থলীতে প্ৰাণ হেৰুৱাব লগীয়া হয় ৷ দ্ৰুতবেগী ডাম্পাৰে অল্ট’খন মহতিয়াই নিয়াৰ ফলত এই শোকাবহ ঘটনা সংঘটিত হয় ৷  জানিব পৰা মতে অংকুৰ শইকীয়াৰ ঘৰ যোৰহাটৰ নগাবাটত ৷ফৰকাটিং মহাবিদ্যালয়ৰ প্ৰবক্তা গৰাকীৰ আকস্মিক মৃত্যুত সমগ্ৰ অঞ্চলজুৰি পৰিছে শোকৰ ছাঁ ৷