অৰুণাচল প্ৰদেশৰ চিয়াং জিলাৰ ওখ পাহাৰীয়া অঞ্চলত শুকুৰবাৰে দুৰ্ঘটনাগ্ৰস্ত হয় সেনাৰ এখন হেলিকপ্টাৰ। খবৰ অনুসৰি মিগিং গাঁৱৰ সমীপত এডভান্সড লাইট হেলিকপ্টাৰ দুৰ্ঘটনাগ্ৰস্ত হয় । আপাৰ চিয়াঙৰ জ্যেষ্ঠ আৰক্ষী বিষয়া জুমাৰ বাছাৰে জনোৱা মতে, দুৰ্ঘটনাস্থলী কোনো পথৰ দ্বাৰা সংলগ্ন নহয় ৷ দুৰ্ঘটনাস্থলীলৈ উদ্ধাৰকাৰী দল প্ৰেৰণ কৰা হৈছে।
অক্টোবৰ মাহত অৰুণাচল প্ৰদেশত এইটো দ্বিতীয়টো হেলিকপ্টাৰ দুৰ্ঘটনা। চলিত মাহৰ আৰম্ভণিতে টাৱাঙৰ সমীপত চিতা হেলিকপ্টাৰ দুৰ্ঘটনাগ্ৰস্ত হৈ এজন পাইলটে প্ৰাণ হেৰুৱাইছিল আৰু কেইবাজনো আহত হৈছিল।
