গুৱাহাটীৰ কাহিলীপাৰাস্থিত চতুর্থ এপিবিএনত আজি পালন কৰা হয় অসম আৰক্ষী দিৱস ৷ ইয়াৰ লগত সংগতি ৰাখি অসম আৰক্ষীত সংযোজন কৰা হ’ল প্ৰথমটো মহিলা বেণ্ড ৷ সুৰঞ্জনা নামৰ মহিলা বেণ্ডটো আনুষ্ঠানিকভাৱে মুকলি কৰে অসম আৰক্ষীৰ সঞ্চালক প্ৰধান ভাস্কৰজ্যোতি মহন্তই ৷
তদুপৰি আজিৰ অনুষ্ঠানত প্ৰদান কৰা হয় বিভিন্ন আৰক্ষী পদক ৷ জনসাধাৰণৰ প্ৰতি প্ৰদান কৰা দায়বদ্ধ সেৱাৰ বাবে ২০২১ -২২ বর্ষৰ আৰক্ষী পদক সমূহ প্ৰদান কৰা হয় ৷ অনুষ্ঠানত ৰাজ্যৰ মুখ্য সচিব পৱন বৰঠাকুৰ মুখ্য অতিথি আৰু গৃহ বিভাগৰ প্ৰধান সচিব নীৰজ বাৰ্মা সন্মানীয় অতিথি হিচাপে উপস্থিত থাকে ৷
