আপুনি কনিষ্টবল নিযুক্তিৰ লিখিত পৰীক্ষালৈ যোগ্যতা অর্জন কৰিছে নেকি? কেনেদৰে লাভ কৰিব এডমিট কার্ড !

অসম আৰক্ষীৰ  কনিষ্টবল নিযুক্তিৰ বাবে অনুষ্ঠিত কৰিবলগীয়া লিখিত পৰীক্ষাৰ বাবে আজিৰ পৰা প্ৰদান কৰা হৈছে এডমিট কার্ড ৷  ৰাজ্যিক পর্যায়ৰ আৰক্ষী নিযুক্তি ব’র্ড (এছ এল পি আৰ বি)ৰ  চৰকাৰী ৱেবছাইট www.slpprbassam.in ৰ পৰা যোগ্য প্ৰার্থীসকলে ডাউনলোড কৰিব পাৰিব এডমিট কার্ড ৷ ৱেবছাইটটোত নিজৰ আৱেদনৰ নম্বৰ, জন্মৰ তাৰিখ আৰু নাম সন্নিৱিষ্ট কৰি  যোগ্য প্ৰার্থীসকলে ডাউনলোড কৰিব পাৰিব এডমিট কার্ড ৷  কাৰিকৰী যিকোনো সহযোগিতাৰ বাবে ৮৯২৯২০৭৬৬৮ নম্বৰত পুৱা ১০ বজাৰ পৰা ৫ বজালৈ যোগাযোগ কৰিব পাৰিব ৷ উল্লেখ্য যে অসম আৰক্ষীৰ এ বি আৰু ইউ বি  শাখাৰ ৬৬৬২ টা কনিষ্টবল , এ পি আৰঅ’ৰ ৮১৩ টা কনিষ্টবল , অগ্নি আৰু জৰুৰীকালীন সেৱাৰ  ৭৮৮ টা কনিষ্টবল , গৃহৰক্ষী বাহিনীৰ অধীনত ৭৫৪ টা কনিষ্টবল পদৰ বাবে পি এছ টি আৰু পি জি টি পৰীক্ষা অনুষ্ঠিত কৰিছে ৷ এই পৰীক্ষাত যোগ্যতা অর্জন কৰা প্ৰার্থীসকলে লিখিত পৰীক্ষাত অৱতীর্ণ হ’ব পাৰিব ৷