শুকুৰবাৰে নিশা মেঘালয়ৰ ৰিব হোই জিলাৰ অন্তৰ্গত যোৰাবাট আৰু কামৰূপ মেট্ৰ’ত অসম আৰক্ষীয়ে প্ৰায় ৫১ টা গৰু উদ্ধাৰ কৰে।সূত্ৰ অনুসৰি,বৰ্ণিহাট হৈ আহি থকা ‘এএছ ১১ এচি ৪০৮৭’ নম্বৰৰ গৰু ভৰ্তি ট্ৰাকখনক যোৰাবাটত বাধা দিয়া হয় আৰু ৫১টা গৰু জব্দ কৰিবলৈ সক্ষম হয় আৰক্ষী ।ইফালে, জব্দ ট্ৰাকখনৰ চালক ৰফিকুল ইছলামকো গ্ৰেপ্তাৰ কৰে আৰক্ষীয়ে ।
উল্লেখযোগ্য যে অসম আৰক্ষীয়ে ৰাজ্যজুৰি এনে ধৰণৰ কেইবাখনো গৰু ভৰ্তি বাহন জব্দ কৰি গৰু চুৰি চক্ৰৰ অসৎ অভিসন্ধি নস্যাৎ কৰিবলৈ সক্ষম হৈছে ৷ ।শেহতীয়াকৈ, অসমৰ সোনাপুৰত এখন গৰু ভৰ্তি বাহন জব্দ কৰি বাহনখনৰ পৰা প্ৰায় ২০ টা গৰু উদ্ধাৰ কৰাৰ লগতে বাহনখনৰ চালক আৰু আন এজন আৰোহীক গ্ৰেপ্তাৰ কৰিছে আৰক্ষীয়ে ।
