ছিকিমৰ বানত সন্ধানহীন অসমৰ যুৱক, ভাৰতীয় সেনাত কর্মৰত যুৱকজনক লৈ চিন্তিত পৰিয়াল

ডাৱৰ বিস্ফোৰণৰ ফলত ছিকিমত সৃষ্টি  হৈছে ভয়াৱহ পৰিস্থিতি ৷ ভয়াৱহ বানত সন্ধানহীন হৈছে ২৩ জন সেনাজোৱান ৷   ছিকিমৰ এই  ভয়ংকৰ বানত সন্ধানহীন হৈছে অসমৰ  এজন যুৱক। সন্ধানহীন যুৱকজন বাক্সাৰ আনন্দ বজাৰৰ মিতু কলিতা বুলি জানিব পৰা গৈছে ৷

যুৱকজন ভাৰতীয় সেনাত কৰ্মৰত হৈ আছিল  । আলিপুৰদুৱাৰত কৰ্মৰত আছিল যদিও বিভাগীয় নিৰ্দেশ অনুসৰি ছিকিমলৈ গৈছিল মিতু কলিতা। আলিপুৰদুৱাৰৰ পৰা ছিকিমলৈ গৈ থকা বুলি জনাইছিল ভাতৃক। ছিকিমৰ পৰা ওভতাৰ পথতেই সংঘটিত হৈছিল ভয়াৱহ ডাৱৰ বিস্ফোৰণ। বৰ্তমানলৈকে পৰিয়ালৰ লোকে মিতুৰ  কোনো সম্ভেদ লাভ কৰা নাই ।যাৰ বাবে চিন্তিত হৈ পৰিছে মিতুৰ পৰিয়ালৰ লোক ৷