জানুৱাৰীৰ পৰা এ টি এমৰ ধন উলিয়াওতেও হ’ব অধিক ব্যয়

২০২২চনৰ পৰা  গ্ৰাহকে এ টি এমৰ পৰা  নিৰ্ধাৰিত পৰিমানতকৈ অধিক ধন উলিয়ালে  বেংকে লগাব পাৰে চাৰ্জ৷ ভাৰতীয় ৰিজাৰ্ভ বেংকৰ  নিৰ্দেশনা অনুসৰি এক্সিছ বেংক বা আন বেংকৰ এ টি এমত বিনামূলীয়াকৈ  নিৰ্ধাৰিত পৰিমানতকৈ অধিক ধন উলিয়ালে  ২১ টকা আৰু জি এছ টি  দিব লাগিব গ্ৰাহক সকলে৷  ১ জানুৱাৰী ২০২২ৰ পৰা এই  নতুন নিয়ম কাৰ্য্যকৰী হ’ব৷ ভাৰতীয় ৰিজাৰ্ভ বেংকে জানিবলৈ দিয়া মতে অধিক ইণ্টাৰচেঞ্জ চাৰ্জ আৰু জেনেৰেল কাষ্ট বঢ়াৰ বাবে এ টি এমৰ দ্বাৰা  কৰা লেনদেনত চাৰ্জ বৃদ্ধি কৰি ২১টকা কৰাৰ অনুমতি দিয়া  হৈছে৷

গ্ৰাহকে নিজৰ বেংক এ টি এমৰ পৰা বিনামূলীয়াকৈ ৫বাৰ (বিত্তীয় আৰু অবিত্তীয়) লেনদেন কৰিব পাৰিব আৰু মেট্ৰ’ চহৰত আন বেংকৰ এ টি এমৰ পৰা ৩বাৰ আৰু মেট্ৰ’ৰ  বাহিৰৰ  যিকোনো স্থানত বিনামূলীয়াকৈ  ৫বাৰ লেনদেন কৰিব পাৰিব৷