ৰাজ্যত ক্ৰমাৎ বৃদ্ধি পাইছে ছাগলী চুৰিৰ ঘটনা ৷ বহু সময়ত বিলাসী বাহেনেৰে আহিও একাংশ লোকে ছাগলী চুৰি কৰিবলৈ চেষ্টা কৰা পৰিলক্ষিত হয় ৷ এইবাৰ জামুগুৰিহাটৰ বগাবিল বৰমতা গাঁৱত ৰাইজৰ হাতত কৰায়ত্ত হ’ল চাৰিজন ছাগলী চোৰ।
এখন বাইকেৰে আহি চোৰকেইজনে ছাগলী মোনাত ভৰাই লৈ যাবলৈ চেষ্টা কৰিছিল ৷ কিন্তু ছাগলী মোনাত ভৰাই থকা অৱস্থাতে একাংশ লোকে দেখা পায় ৷ লগে লগে অঞ্চলটোত হুলস্থলীয়া পৰিৱেশৰ সৃষ্টি হয় ৷ ৰাইজৰ চিঞৰ বাখৰ শুনি চোৰৰ দলটোৱে ছাগলী এৰি পলায়নৰ চেষ্টা কৰে ৷ কিন্তু স্থানীয় লোকসকলে আটাইকেউজনকে কৰায়ত্ব কৰি মাৰধৰ কৰে ৷
ঘটনাক লৈ অঞ্চলটোত তীব্ৰ উত্তেজনাপূৰ্ণ পৰিস্থিতিৰ সৃষ্টি হয়। পিছত গাঁওৰক্ষী বাহনীয়ে জামুগুৰি আৰক্ষীক খবৰ দিয়াত আৰক্ষী আহি চোৰ কেইজনক চমজি লয়৷
উত্তেজিত লোকসকলক ছত্ৰভংগ দিয়াবলৈ আৰক্ষীয়ে শূন্যলৈ গুলীচালনা কৰিব লগীয়া পৰিস্থিতিৰ সৃষ্টি হয়৷ শেষত আৰক্ষীয়ে চাৰিওজন চোৰকে আটক কৰি থানালৈ লৈ যায়।
