নগাঁৱৰ ৰহা সামূহিক স্বাস্থ্য কেন্দ্ৰত “আয়ুষ্মান ভৱ” মেলা সম্পন্ন

ঋতু পৰ্ণ শৰ্মা,নগাঁও,৩০ছেপ্তেম্বৰ:- নগাঁও জিলাৰ বাৰপূজীয়া খণ্ড প্ৰাথমিক স্বাস্থ্য কেন্দ্ৰৰ অধীনস্থ ৰহা সামূহিক স্বাস্থ্য কেন্দ্ৰত কালি এখনি “আয়ুষ্মান ভৱ” মেলা অনুষ্ঠিত হৈ যায় । ৰহা বিধানসভা সমষ্টিৰ বিধায়ক শশীকান্ত দাসে ফিটা কাটি শুভাৰম্ভ কৰা স্বাস্থ্যমেলাখনিত বাৰপূজীয়া প্ৰাথমিক স্বাস্থ্যকেন্দ্ৰৰ মহকুমা চিকিৎসা বিষয়া ডাঃ গুণ গোবিন্দ দত্তৰ লগতে বহু কেইগৰাকী চিকিৎসক তথা স্বাস্থ্যকৰ্মীয়ে অংশগ্ৰহণ কৰে । “আয়ুষ্মান ভৱ” মেলাখনিত বৃহত্তৰ অঞ্চলৰ কেবা শতাধিক ৰোগীৰ স্বাস্থ্য পৰীক্ষা কৰাৰ লগতে এন চি ডি স্ক্ৰীনিং, এ এন চি পৰীক্ষা,আয়ুষ্মান কাৰ্ড, আভা আই ডি তৈয়াৰ আৰু আয়ুষ্মান কাৰ্ড বিতৰণ কৰা হয় ৷