ৰাজ্য়ৰ আগশাৰীৰ শিক্ষা প্ৰতিষ্ঠান বি বৰুৱা মহাবিদ্যালয়লৈ সুখবৰ ৷ গুৱাহাটীৰ অন্যতম শিক্ষানুষ্ঠান বি বৰুৱা মহাবিদ্যালয়ে ৰাষ্ট্ৰীয় মূল্যাংকন আৰু প্ৰত্যাপন পৰিষদ (NAAC)ৰ দ্বাৰা A++ গ্ৰেড (CGPA of 3.62) লাভ কৰিছে। উত্তৰ-পূৰ্বাঞ্চলৰ ভিতৰত এনে স্বীকৃতি লাভ কৰা চৰকাৰী খণ্ডৰ প্ৰথমখন শিক্ষানুষ্ঠান ৰূপে বিবেচিত হৈছে বি বৰুৱা মহাবিদ্যালয় ৷মহাবিদ্যালয়খনৰ অধ্যক্ষ হৈছে ড০ সত্যেন্দ্ৰ নাথ বৰ্মন ৷ এই সাফল্যৰ বাবে মহাবিদ্যালয় পৰিয়ালক আন্তৰিক অভিনন্দন জ্ঞাপন কৰিছে শিক্ষামন্ত্ৰী ডাঃ ৰণোজ পেগুৱে ৷
