কৃষক মুক্তি সংগ্ৰাম সমিতিৰ সাধাৰণ সম্পাদক বিদ্যুৎ শইকীয়াক আজি নিচেই পুৱা আৰক্ষীয়ে আটক কৰিছে ৷ পুৱতি নিশা ফৰকাটিং আৰক্ষী চকীয়ে আটক কৰে শইকীয়াক ৷ আৰক্ষী থানাখনৰ ভাৰপ্ৰাপ্ত আৰক্ষী বিষয়া কৌস্তভ মণি গগৈৰ নেতৃত্বত যোৱা বৃহৎ পুলিচৰ দলে তেওঁক আটক কৰি থানালৈ লৈ যায় ৷ অৱশ্যে এতিয়ালৈকে কৃষক মুক্তিৰ নেতাজনক আটক কৰাৰ কাৰণ জানিব পৰা হোৱা নাই ৷
অচিৰেই কৃষক নেতাজনক মুক্তি দিবলৈ দাবী জনাইছে ৰাইজৰ দলৰ সভাপতি অখিল গগৈয়ে।ইতিমধ্যে কৃশক মুক্তিৰ নেতাজনক আটক কৰাক লৈ সংগঠনটোৰ ভিতৰভাগত তীব্ৰ প্ৰতিক্ৰিয়াৰ সৃষ্টি হৈছে ৷সংগঠনটোৰ বহুসংখ্যক সদস্য ইতিমধ্যে থানাত উপস্থিত হৈছে ৷ তেওঁলোকেও বিদ্যুৎ শইকীয়াক মুকলি কৰিবলৈ দাবী উত্থাপন কৰিছে ৷
