বিহাৰৰ জাহানাবাদত সংঘটিত হয় এক ভয়ানক অঘটন। মখদুমপুৰৰ ৱানাৱাৰাৰ সিদ্ধেশ্বৰ মন্দিৰত পদপিষ্ট হৈ মৃত্যু হৈছে ৭ জনকৈ লোকৰ। সংকটজনক অৱস্থাত চিকিৎসাধীন হৈ আছে বহুলোক।
শাওনৰ শেষৰটো সোমবাৰ উপলক্ষে সিদ্ধেশ্বৰ মন্দিৰত পূজাৰ বাবে অগনন ভক্তৰ সমাগম হয় । আৰক্ষীৰ মতে, মহাদেৱক জলাভিষেক অৰ্পণ কৰিবলৈ মন্দিৰলৈ যোৱাৰ বাটত চিৰিৰ সমীপত হুলস্থুলৰ সৃষ্টি হয় আৰু ৭ গৰাকী ভক্তৰ পদপিষ্ট হৈ মৃত্যু হয়।
মৃত্যুদেহবোৰ জাহানাবাদ সদৰ চিকিৎসালয়লৈ অনা হয়। আনহাতে বহুলোক আহত হয় আৰু আহত বহু লোকক চিকিৎসলয়ত ভৰ্তি কৰোৱা হয়।
