গুৱাহাটী মহানগৰীত সংঘটিত এক শিহৰণকাৰী ঘটনা ৷ আজি পুৱা মহানগৰীৰ বামুণীমৈদামৰ ওচৰত উদ্ধাৰএগৰাকী মহিলাৰ মৃতদেহ।এক প্ৰতিবেদন অনুসৰি, মৃতদেহটো আজি ৰাতিপুৱা এটা বস্তাৰ ভিতৰত ভৰাই ভাস্কৰ নগৰৰ ৰাস্তাৰ কাষত এৰি থৈ যোৱা অৱস্থাত উদ্ধাৰ কৰা হয় ।
উক্ত ঘটনাৰ খবৰ পোৱাৰ পিছতেই আৰক্ষীৰ এটা দল ঘটনাস্থলীত উপস্থিত হয়। তেওঁলোকৰ মতে মৃতদেহটো এগৰাকী যুৱতীৰ ।
বিষয়াসকলে লগতে জানিবলৈ দিয়ে যে প্ৰাথমিক তদন্তত এই ঘটনা এক হত্যাকাণ্ড বুলি সন্দেহ হৈছে যদিও মৰণোত্তৰ পৰীক্ষাৰ পিছতহে সঠিক তথ্য পোহৰলৈ আহিব।
মৃতদেহটো ইতিমধ্যে মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰা হৈছিল।
আনহাতে এতিয়াও ভুক্তভোগীৰ পৰিচয় পাবলৈ সক্ষম হোৱা নাই আৰক্ষী ৷ উক্ত ঘটনা সন্দৰ্ভত ইতিমধ্যে আৰক্ষীয়ে এটা গোচৰ ৰুজু কৰিছে আৰু আৰম্ভ কৰিছে তদন্ত ।
