দক্ষিণ-পূব মধ্য ৰে’লৱেৰ ৰায়গড় -ঝাৰসুগুড়া জংছনৰ হিমগিৰ ষ্টেচনত ৪ নং লাইন সংযোগৰ কাম আৰম্ভ কৰাৰ বাবে ২০২২ চনৰ ২১ তাৰিখৰ পৰা ২৯ আগষ্টলৈ প্ৰি-নন-ইণ্টাৰলক আৰু নন-ইণ্টাৰলকিঙৰ কাম হাতত লোৱা হৈছে। এই কামৰ প্ৰতি লক্ষ্য ৰাখি সেয়েহে নিৰ্দিষ্ট দিনলৈ বাতিল হৈ থাকিব ৰে’ল নং ২২৫১২/২২৫১১ কামাখ্যা – লোকমান্য তিলক (টি) – কামাখ্যা কৰ্মভূমি এক্সপ্ৰেছৰ যাত্ৰা ৷
জানিব পৰা মতে ২০২২ চনৰ ২০ আৰু ২৭ আগষ্টত কামাখ্যাৰ পৰা যাত্ৰা কৰিবলগীয়া ৰে’ল নং ২২৫১২ কামাখ্যা – লোকমান্য তিলক (টি) কৰ্মভূমি এক্সপ্ৰেছৰ যাত্ৰা বাতিল হৈ থাকিব। একেদৰে ২৩ আৰু ৩০ আগষ্টত লোকমান্য তিলক (টি)ৰ পৰা যাত্ৰা কৰিবলগীয়া ২২৫১১ নম্বৰ লোকমান্য তিলক (টি) – কামাখ্যা কৰ্মভূমি এক্সপ্ৰেছ ৰে’লখনৰ যাত্ৰাও বাতিল হৈ থাকিব বুলি এক প্ৰেছ বিজ্ঞপ্তিত প্ৰকাশ পাইছে।
