প্ৰচণ্ড টর্ণেডোৱে একপ্ৰকাৰ ধ্বংসস্তুপত পৰিণত কৰিছে ফ্ল’ৰিডা ৷ শনিবাৰে নিশা এক প্ৰবল টৰ্নেডোৱে অঞ্চলটোত আঘাত হানে।ইয়াৰ পাছতে বহু ঘৰ ভাঙি পৰে ৷ বহু ঠাইত ঘৰৰ ওপৰত ভাঙি পৰে বৃহৎ গছ ৷
ছ’চিয়েল মিডিয়াত ভাইৰেল হৈ পৰিছে টৰ্নেডোৰ ধ্বংসলীলাৰ বিভিন্ন ছবি আৰু ভিডিঅ’। এটা ভিডিঅ’ত দেখাৰ দৰে আকাশখন এতিয়াও ক’লা ডাৱৰে আৱৰি আছে। চৌদিশে বিশৃংখলতা। বতাহৰ বেগত এখন গাড়ীয়ে আন এখন গাড়ীত খুন্দা মাৰি দিয়া দেখা গৈছে ৷
আন এটা ভিডিঅ’ত দেখা গৈছে এডালৰ পাছত আন এডাল গছ বাগৰি পৰিছে ৷ ধুমুহাৰ মুহূৰ্তৰ ভিডিঅ’ও পোহৰলৈ আহিছে। অৱশ্যে এই ঘটনাত কোনো লোক হতাহতিৰ খবৰ পোৱা নগ’ল।
