আজি পুৱাৰ ভাগতে গুৱাহাটীৰ কেইবা ঠাইতো ‘কেন্দ্ৰীয় অনুসন্ধান ব্যুৰ’( চিবিআই)ৰ অভিযান ৷ জানিব পৰা মতে গুৱাহাটীৰ চিৰিয়াখানা পথত চিবিআইয়ে চলোৱা এই অভিযানত আটক কৰা হৈছে এজন ব্যৱসায়ীক ।
দিল্লীৰ পৰা অহা চিবিআইৰ এটা বিশেষ দলে গুৱাহাটীৰ চিৰিয়াখানা পথ অঞ্চলত আজি ৰাতিপুৱাৰ পৰা এই অভিযান চলাইছিল ৷ চিবিআইয়ে চলোৱা এই অভিযানত মহানগৰীত এজন ব্যৱসায়ীক ইতিমধ্যে আটক কৰা হৈছে। অসমৰ চুবুৰীয়া ৰাজ্য অৰুণাচল প্ৰদেশত পথ নিৰ্মাণ কাৰ্যত কৰা অনিয়মৰ অভিযোগত আটক কৰা হৈছে ব্যৱসায়ী গৰাকীক।
এক প্ৰতিবেদন অনুসৰি এই কথা জানিব পৰা গৈছে যে , আটকাধীন ব্যৱসায়ীজনক এখন বিশেষ আদালতৰ সন্মুখত হাজিৰ কৰোৱা হ’ব আৰু তাৰ পিছতহে জিম্মাত লোৱা হ’ব।
উল্লেখযোগ্য যে চিৰিয়াখানা ৰোডৰ উপৰিও চহৰখনৰ কেইবাটাও ঠাইতো অব্যাহত থাকিব ‘চিবিআই’ৰ অভিযান ।
