কাইলৈৰ পৰা কামৰূপ মহানগৰ জিলাত অসম সাংস্কৃতিক মহাসংগ্ৰামৰ সমষ্টিভিত্তিক প্ৰতিযোগিতা

কামৰূপ মহানগৰ জিলাত অসম সাংস্কৃতিক মহাসংগ্ৰাম, ২০২৩-২৪ৰ সমষ্টিভিত্তিক প্ৰতিযোগিতা সমূহ কাইলৈৰ পৰা আৰম্ভ হ’ব৷ পূৱ গুৱাহাটী বিধানসভা সমষ্টিৰ বাবে উজান বজাৰৰ কুমাৰ ভাস্কৰ নাট্য মন্দিৰত কাইলৈ অৰ্থাৎ ৮ ডিচেম্বৰৰ পুৱা ৯ বজাৰ পৰা প্ৰতিযোগিতাসমূহ অনুষ্ঠিত হ’ব৷ দিছপুৰ বিধানসভা সমষ্টিৰ বাবে কৰ্মশ্ৰী হিতেশ্বৰ শইকীয়া মহাবিদ্যালয়ৰ প্ৰেক্ষাগৃহত ৯ ডিচেম্বৰৰ পুৱা ৯ বজাৰ পৰা প্ৰতিযোগিতাসমূহ অনুষ্ঠিত হ’ব৷ একেদৰে পশ্চিম গুৱাহাটী বিধানসভা সমষ্টিৰ বাবে ধাৰাপুৰ দুৰ্গা মন্দিৰ প্ৰাঙ্গনত ১৩ ডিচেম্বৰত প্ৰতিযোগিতাসমূহ অনুষ্ঠিত হ’ব৷ জালুকবাৰী বিধানসভা সমষ্টিৰ বাবে গুৱাহাটী বিশ্ববিদ্যালয়ৰ ফণীধৰ দত্ত প্ৰেক্ষাগৃহত ১৯ আৰু ২০ ডিচেম্বৰত প্ৰতিযোগিতাসমূহ অনুষ্ঠিত হ’ব৷