গুৱাহাটীৰ বশিষ্ঠ অঞ্চলত উদ্ধাৰ কৰা হৈছে এজন অচিনাক্ত যুৱকৰ মৃতদেহ ৷ যাৰ ফলত অঞ্চলটোৰ স্থানীয় লোকসকলৰ মাজত আতংকৰ সৃষ্টি হৈছে ।জানিবপৰা মতে মৃতদেহটো বশিষ্ঠৰ জিলা পৰিবহন কাৰ্যালয়ৰ (ডিটিঅ’) ওচৰৰ এটা নলাৰ পৰা উদ্ধাৰ কৰা হৈছে। উক্ত ঘটনা সন্দৰ্ভত সঠিক তদন্তৰ বাবে আৰক্ষী ঘটনাস্থলীত উপস্থিত হয়।
যুৱকজনক হত্যা কৰা হৈছে বুলি আৰক্ষীয়ে সন্দেহ প্ৰকাশ কৰিছে ৷ অৱশ্যে তেওঁৰ মৃত্যুৰ প্ৰকৃত কাৰণ এতিয়াও জানিব পৰা হোৱা নাই,
ইতিমধ্যে মৰণোত্তৰ পৰীক্ষাৰ বাবে মৃতদেহটো গুৱাহাটী চিকিৎসা মহাবিদ্যালয় চিকিৎসালয়লৈ (জিএমচিএইচ) প্ৰেৰণ কৰা হৈছে। ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত।
