অৱশেষত ১০দিনৰ অন্তত উদ্ধাৰ হ’ল নয়ন আবেদিন নামৰ নদীত গা ধুবলৈ গৈ সন্ধানহীন হোৱা যুৱকজনৰ মৃতদেহ ৷ নদীত ডুব যোৱাৰ পিছত আজি ১০দিনে সন্ধানহীন হৈ আছিল অসমৰ ধুবুৰী জিলাৰ যুৱক নয়ন আবেদীন যাক আজি পুৱা উদ্ধাৰ কৰা হয়।
জানিব পৰা মতে যুৱকজন সন্ধানহীন হোৱাৰ দহটাকৈ দিনৰ পিছত স্থানীয় লোকে আজি ৰাতিপুৱা গোলোকগঞ্জৰ ওচৰৰ গংগাধৰ নদীত যুৱকজনৰ মৃতদেহ ওপঙি থকা অৱস্থাত প্ৰতক্ষ কৰে আৰু ততাতৈয়াকৈ মৃতদেহটো উদ্ধাৰ কৰে।
উল্লেখযোগ্য যে নয়ন আবেদীন নামৰ মৃত যুৱকজন গোলোকগঞ্জৰ ওচৰৰ গংগাধৰ নদীত গা ধুবলৈ গৈ যোৱা ১৫ জুলাইৰ পৰা সন্ধানহীন হৈ আছিল।
যুৱকজনৰ মৃতদেহটো উদ্ধাৰৰ পিছতে আৰক্ষী ঘটনাস্থলীত উপস্থিত হয় আৰু মৰণোত্তৰ পৰীক্ষাৰ বাবে প্ৰেৰণ কৰে নয়ন আবেদিনৰ মৃতদেহ।
