পুনৰ আৰক্ষীৰ গুলীত আহত হৈছে এজন ড্ৰাগছ মাফিয়া। বোকাজান আৰক্ষীৰ গুলীত আহত হোৱা ড্ৰাগছ মাফিয়াজন হৈছে চাদ্দাম হুছেইন। প্ৰাপ্ত তথ্য অনুসৰি এখন স্কুটিৰে আহি থকাৰ সময়ত আৰক্ষীয়ে তালাচীৰ বাবে ৰখোৱাৰ লগে লগে পলাবলৈ চেষ্টা কৰিছিল চাদ্দাম হুছেইনে। লগে লগে আৰক্ষীয়ে তেওঁক লক্ষ্য কৰি গুলীচালনা কৰে।
উল্লেখযোগ্য যে স্কুটিৰে আন এজন যুৱকৰ সৈতে ড্ৰাগছ বিক্ৰীৰ বাবে আনিছিল চাদ্দাম হুছেইনে। যোৱা নিশা মাতিপুলত বোকাজান আৰক্ষীয়ে বৃহৎ পৰিমাণৰ ড্ৰাগছ জব্দ কৰিছে।তেওঁলোকৰ পৰা আৰক্ষীয়ে ১.৭৭ গ্ৰাম হেৰ’ইন জব্দ কৰিছে। ড্ৰাগছ মাফিয়াজনে১৫০ টা চাবোনৰ পেকেটত এই ড্ৰাগছ লুকুৱাই আনিছিল। চাদ্দাম হুছেইনৰ সৈতে গ্ৰেপ্তাৰ হোৱা আনজন যুৱক হৈছে বিমল তশ্যা।
