তিনি মার্কিন অর্থনীতিবিদলৈ চলিত বর্ষৰ অর্থনীতিৰ নোবেল বটাঁ আগবঢ়োৱা হৈছে৷এই তিনিগৰাকী নোবেল বটাঁপ্ৰাপক হৈছে ডেভিদ কার্ড,যশোৱা এনগ্ৰিষ্ট আৰু গাইড’ ইম্বেনছ৷ অর্থনীতিৰ নোবেলপ্ৰাঁপক ডেভিদ কার্ড হৈছে কেলফ’র্নিয়া বিশ্ববিদ্যালয়ৰ অর্থনীতি বিভাগৰ অধ্যাপক৷ ১৯৫৬ চনত কানাডাৰ গেৱলফত তেওঁ জন্মগ্ৰহণ কৰিছিল৷ আনহাতে,যশোৱা ডি এনগ্ৰিষ্ট হৈছে মেছাচুছেটছ ইনষ্টিটিউট অব টেকন’ল’জীৰ অর্থনীতি বিভাগৰ অধ্যাপক৷ তেওঁৰ জন্ম অহঅ’ৰ কলম্বাছত৷ ইপিনে, গাইড’ ডব্লিউ ইম্বেনছ ষ্টেনফ’র্ড বিশ্ববিদ্যালয়ৰ প্ৰায়োগিক অর্থনীতি বিভাগৰ অধ্যাপক৷ ১৯৬৩ চনত তেওঁ নেডাৰলেণ্ডত জন্ম গ্ৰহণ কৰিছিল৷
চুইডিছ একাডেমীয়ে প্ৰকাশ কৰা অনুসৰি শ্ৰম অর্থনীতিত অভিজ্ঞতালব্ধ বিৰল জ্ঞানৰ বাবে এই সন্মানেৰে সন্মানিত কৰা হৈছে কার্ডক ৷অর্থনীতিত প্ৰব্ৰজন, শিক্ষা আদি বিষয়ত কৰা গৱেষণাৰ বাবেই কার্ডলৈ নোবেল আগবঢ়োৱা হৈছে৷ আনহাতে, পদ্ধতিগত আলোচনাৰ বাবে এনগ্ৰিষ্ট আৰু ইম্বেনছক এই বটাঁ প্ৰদান কৰা হৈছে৷
