প্ৰধান শিক্ষক নিযুক্তিকে ধৰি পদোন্নতি চাকৰি নিয়মীয়াকৰণ বিদ্যালয়ৰ বিজুলী ৰেহাই আদিক লৈ মাধ্যমিক শিক্ষক সন্থাৰ সৈতে শিক্ষামন্ত্ৰীৰ ইতিবাচক আলোচনা

অসম মাধ্যমিক শিক্ষক আৰু কৰ্মচাৰী সন্থাৰ এটি সজাতি দলৰ সৈতে শিক্ষামন্ত্ৰী ড° ৰণোজ পেগু ৱে ৩০ জুলাইত জনতা ভবনত এক ইতিবাচক আৰু সন্তোষজনক আলোচনাত মিলিত হয়৷ দীৰ্ঘদিনীয়া সমস্যা প্ৰধান শিক্ষক ভাৰপ্ৰাপ্ত প্ৰধান শিক্ষক ,অধ্যক্ষ, উপাধ্যক্ষ আৰু সহকাৰী প্ৰধান শিক্ষক নিযুক্তিৰ স্থায়ী ৰূপ দি আগন্তুক ৬ মাহৰ ভিতৰত পদোন্নতি, নিযুক্তিৰে সমাপ্ত হব বুলি দোহাৰে শিক্ষামন্ত্ৰীয়ে৷ হাইস্কুল আৰু হায়াৰচেকেণ্ডেৰী স্কুলৰ স্নাতক আৰু স্নাতকোত্তৰ ডিগ্ৰীধাৰী একে কেটেগৰী সহকাৰী শিক্ষক সকলে প্ৰধান শিক্ষক আৰু অধ্যক্ষ বাচনী প্ৰক্ৰিয়াত অংশ গ্ৰহণ কৰাৰ লগতে নিযুক্তি দিয়া হব বুলি শিক্ষামন্ত্ৰীয়ে জনায়৷ এক প্ৰেছ বিবৃতিত অসম মাধ্যমিক শিক্ষক আৰু কৰ্মচাৰী সন্থাৰ সভাপতি মকিবৰ ৰহমান আৰু সাধাৰণ সম্পাদক গোবিন্দ চন্দ্ৰ কলিতাই এই আলোচনাৰ বিষয়ে জনায় যে মুখ্যমন্ত্ৰীৰ নিৰ্দেশ আৰু শিক্ষামন্ত্ৰীৰ সদিচ্ছাত আগন্তুক কেইমাহমানৰ ভিতৰত মাধ্যমিক শিক্ষাখণ্ডত চলি থকা সকলো সমস্যাৰ প্ৰায় স্থায়ী সমাধান সম্ভব হৈ উঠিব৷ মাধ্যমিক প্ৰাদেশীকৃত শিক্ষা সেৱা বিধি আৰু চৰকাৰী স্কুল সেৱা বিধি ইতিমধ্যে সংশোধন হৈছে ( অধিসূচনা জাৰি চূড়ান্ত) আৰু এই সংশোধনীৰ জৰিয়তে অতি কম দিনৰ ভিতৰতে পদোন্নতি/ নিযুক্তি আদি সৰলীকৰণ কৰা হব৷ অবশ্যে ২০১৩চনৰ প্ৰাদেশীকৃত আৰু ২০২১ চনৰ শ্ৰেষ্ঠ বিদ্যালয় সমুহৰ প্ৰধান শিক্ষকৰ ১০ বছৰ সম্পূৰ্ণ নোহোৱাৰ বাবে পদোন্নতিৰ সলনি ভাৰপ্ৰাপ্ত প্ৰধান হিচাপে ৰাখিবলৈ সম্ভব হব বুলি আলোচনাত স্পষ্ট হয়৷ আৰ্জিত চুটি ৩০ দিন বা ২৪ দিনলৈ বৰ্ধিত কৰাৰ বাবে ইতমধ্যে সংশ্লিষ্ট পক্ষ সাজু হৈছে বুলি দোহাৰি সন্থাৰ সাধাৰণ সম্পাদক গোবিন্দ চন্দ্ৰ কলিতাই কয় যে শিক্ষামন্ত্ৰীয়ে সম্পূৰ্ণ আস্বস্ত কৰি জানিবলৈ দিছে যে মাধ্যমিক বিদ্যালয়ত কৰ্মৰত অতিৰিক্ত শিক্ষক সকলৰ চাকৰি অতি কম সময়ত নিয়মীয়াকৰণ কৰাৰ লগতে আই টি চি শিক্ষক সকলোকো পৰ্যায়ক্ৰমো আৰ ও পি দিয়াৰ ব্যবস্থা কৰা হব৷ একত্ৰিকৰণ হোৱা বিদ্যালয়ৰ নিম্ন স্নাতক পদ সমুহ স্নাতক পৰ্যায়লৈ নিয়াৰ বাবেও ইতিমধ্যে কমন চাৰ্ভিছ ৰুল এটা সাজু কৰি তোলা বুলিও এই আলোচনাতে স্পষ্ট হয় বুলি প্ৰকাশ কৰে গোবিন্দ চন্দ্ৰ কলিতাই৷ শিক্ষামন্ত্ৰী ডাঙৰীয়াই বিদ্যালয় সমুহৰ বিদ্যুতৰ বিল সমুহ কেনেকৈ ৰেহাই মূল্যলৈ আনিব পাৰি সেই সম্পৰ্কটো সংশ্লিষ্ট পক্ষৰ লগত আলোচনা কৰা লগতে বিদ্যালয় সমুহৰ আন্তগাঠনি উন্নয়ন শৈক্ষিক বাতানুকূল কৰাৰ স্বাৰ্থত এচ এচ এ (SSA) আৰু অতিৰিক্ত জিলা আয়ুক্তৰ পৰা সংশ্লিষ্ট শিক্ষা বিষয়ালৈ ক্ষমতা হস্তান্তৰ কৰিব বুলি আৰু বিদ্যালয় সমুহৰ পৰিদৰ্শক, জিলা প্ৰাথমিক শিক্ষা বিষয়াৰ খালী থকা পদ সমুহ নিযুক্তিৰ বাবে APSC লৈ বিজ্ঞাপনৰ বাবে পঠোৱা হয় বুলি শিক্ষামন্ত্ৰীয়ে দিয়া আস্বাস ত সন্টুষ্টি প্ৰকাশ কৰিছে অসম মাধ্যমিক শিক্ষক আৰু কৰ্মচাৰী সন্থাই৷ উক্ত আলোচনাত সভাপতি,সাধাৰণ সম্পাদকৰ উপৰিও উপসভাপতি হেমন্ত শইকীয়া, কৰ্ণধাৰ সদস্য পৰেশ চন্দ্ৰ নাথ, কৃষ্ণা মিজাৰ আৰু কামৰূপ মহানগৰ জিলাৰ সভাপতি উৰ্মিমালা বুজৰবৰুৱা৷