দিহিং পাটকাই ৰাষ্ট্ৰীয় উদ্যানত গুলীয়াগুলি

দিহিং পাটকাই ৰাষ্ট্ৰীয় উদ্যানত বনকৰ্মী আৰু বনদস্যুৰ মাজত সংঘটিত হৈছে গুলীয়াগুলিৰ ঘটনা ৷ জানিবপতৰা মতে ৰাষ্ট্ৰীয় উদ্যানখনত ই বৰ্ষটোৰ দ্বিতীয়টো গুলীয়াগুলিৰ ঘটনা ৷ কালি নিশা উদ্যানখনৰ বাসৱনলাৰ সমীপত বনদস্যুৱে মেচিনৰ সহায়ত কাঠ কাটি থকাৰ সময়তেই বনকৰ্মী সকল সেই ঠাইত উপস্থিত হয় আৰু সংঘটিত হয় গুলীয়াগুলিৰ ঘটনা ৷ অৱশ্যে এন্ধাৰৰ সুযোগ লৈ ঘটনাস্থলীৰ পৰা পলায়ন কৰে চোৰাং কাঠকটিয়াৰ দলটোৱে ৷উক্ত স্থানত ইতিমধ্যে কাঠ ফলা মেচিনৰ লগতে কাঠ কটা সঁজুলিও উদ্ধাৰ কৰিছে বনকৰ্মীসকলে  ৷