ৰাষ্ট্ৰীয় কাৰাটে চেম্পিয়নশ্বিপত ৰঙিয়াৰ নাম উজলালে পাঁচগৰাকীকৈ শিশুৱে

গোৱাত চলি থকা ২১ তম ৰাষ্ট্ৰীয় কাৰাটে প্ৰটিযোগিতাৰ প্ৰথম দিনাই উজলি উঠিল ৰঙিয়াৰ প্ৰতিভা৷ ৰঙিয়া কাৰাটে একাডেমীৰ চায়েষ্টা তমান্নাই কাটাত সোণৰ পদক আৰু কুমিটেত ব্ৰঞ্জৰ পদক, জান্‌বি হুছেইন শইকীয়াই কুমিটেত ৰূপৰ পদক, মাৰ্চিহা কাঞ্জ আৰু মাৰ্জিয়া তমান্নাই ব্ৰঞ্জৰ পদক আৰু হেমদোলৰ আকাশ কাৰাটে একাডেমিৰ সুৰঞ্জন কলিতাই কুমিটেত ৰূপৰ পদক অৰ্জন কৰি ৰঙিয়ালৈ গৌৰৱ কঢ়িয়াই আনিছে৷ অহা ২৮মে’লৈ চলিবলগীয়া ৰাষ্ট্ৰীয় প্ৰতিযোগিতাখনিত অসমৰ বিভিন্ন জিলাৰ প্ৰতিযোগীয়ে বিভিন্ন শাখাত সুনাম কঢ়িয়াই অনাৰ লগতে ৰঙিয়াটো আনন্দৰ লহৰ উঠিছে৷