তামিলনাডুৰ তিৰুৱন্নমলাই জিলাৰ চেংগম চহৰৰ সমীপত সোমবাৰে নিশা সংঘটিত এক শোকাৱহ পথ দুর্ঘটনাত অসমৰ ৫ জন লোক নিহত হয় ৷ বাংগালুৰুৰ পৰা তিৰুৱন্নমলাইলৈ আহি থকা এখন চৰকাৰী বাছৰ সৈতেআন এখন টাটা চুমুৰ মুখামুখি সংঘর্ষ হয় ৷ টাটা চুম’খনত থকা ১১ জন লোকৰ ৫ জনৰ থিতাতে মৃত্যু ঘটে ৷ আন আত যাত্ৰীসকলক সমীপৱর্তী হাস্পতালত ভর্ত্তি কৰোৱা হৈছে ৷
প্ৰাপ্ত তথ্য অনুসৰি চুম’খনত থকা আটাইকেউজন লোক অসমৰ বাসিন্দা ৷ তেওঁলোক বাংগালুৰুত কর্মৰত হৈ আছে ৷ সোমবাৰে নিশা পুডুচেৰীৰ পৰা হোচুৰলৈ চুম’ৰে আহি আছিল লোককেইজন ৷ নিহত লোকসকলৰ কুঞ্চ ৰায়, ভিনমল তীর্থ, ডাল্লু, নিকলাচ আৰু নাৰায়ণ চেত্ৰী বুলি জানিব পৰা গৈছে ৷ অৱশ্যে নিহত লোকসকলৰ সৱিশেষ এতিয়াও জানিব পৰা হোৱা নাই ৷
