শোণিতপুৰৰ বালিপৰাৰ ভিন্ন স্থানত মঙলবাৰে নিশা সংঘটিত হয় কেইবাটাও পথ দুৰ্ঘটনা। এই দুৰ্ঘটনাকেইটাত ৫ জন লোকৰ কৰুণ মৃত্যু হয়।দুৰ্ঘটনাত নিহতসকল ক্ৰমে, কাচেম আলী, ৰাজ ইছলাম, বিপুল দাস, দেৱজিৎ বসুমতাৰী, চৰফুং বসুমতাৰী।
জানিব পৰা মতে মঙ্গলবাৰে নিশা বালিপৰাত জুবিন গাৰ্গৰ সংগীতানুষ্ঠান অনুষ্ঠিত হৈছিল । বালিপৰা মজলীয়া বিদ্যালয়ৰ শতবৰ্ষৰ অনুষ্ঠান উপলক্ষে অনুষ্ঠিত হৈছিল এই সংগীতানুষ্ঠান।
এই সংগীতানুষ্ঠান উপভোগ কৰিবলৈ অহাৰ পথতে সংঘটিত হয় দুৰ্ঘটনাকেইটা । দূর্ঘটনাত ৫ জন লোকে প্ৰাণ হেৰুওৱাত সমগ্ৰ অঞ্চলটোতে শোকৰ ছা পৰিছে ৷
