প্ৰাক্তন মুখ্যমন্ত্ৰী প্ৰফুল্ল মহন্তৰ ওপজা দিন ৷ ৭২ বছৰত ভৰি থলে প্ৰাক্তন মুখ্যমন্ত্ৰী গৰাকীয়ে ৷ ওপজা দিনত মহন্তক শুভেচ্চা জ্ঞাপন কৰে অসম গণ পৰিষদৰ নেতৃত্বই ৷ অসম গণ পৰিষদৰ সভাপতি তথা মন্ত্ৰী অতুল বৰা, কার্যকৰী সভাপতি তথা মন্ত্ৰী কেশৱ মহন্ত , সাধাৰণ সম্পাদক তপন দাসকে ধৰি জ্যেষ্ঠ নেতৃত্বই প্ৰফুল্ল কুমাৰ মহন্তক গামোচা আৰু ফুলৰ তোৰাৰে সম্বর্ধনা জনায় ৷
সামাজিক মাধ্যমত এক পোষ্টজোগে অতুল বৰাই কয় –“ঐতিহাসিক অসম আন্দোলনৰ অগ্ৰণী নেতা, অসম গণ পৰিষদৰ প্ৰতিষ্ঠাপক সভাপতি, অসমৰ প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ বাসগৃহত আজি অগপৰ কাৰ্যকৰী সভাপতি তথা অসম চৰকাৰৰ মাননীয় মন্ত্ৰী কেশৱ মহন্তৰ সৈতে উপস্থিত হৈ তেখেতক জন্মদিনৰ আন্তৰিক শুভেচ্ছা জ্ঞাপন কৰিলোঁ।তেখেতৰ সুস্বাস্থ্য আৰু দীৰ্ঘায়ুৰ বাবে ভগৱানৰ ওচৰত প্ৰাৰ্থনা জনাইছোঁ।“
