আজি অসমৰ গোলাঘাট ঘাট জিলাৰ চিলনীজানৰ চাকিহোলা পথত সংঘটিত হয় এক শোকাবহ বাছ দুৰ্ঘটনা ৷ দুৰ্ঘটনাটোত কমেও ৩৫ জন লোক আঘাতপ্ৰাপ্ত হোৱা বুলি জানিব পৰা গৈছে ৷চিলনীজান অঞ্চলৰ চাকিহোলাৰ পৰা পৰমেশ্বৰী চাহ বাগিছালৈ গৈ থকা অৱস্থাত বাছখনৰ চালকজনে নিয়ন্ত্ৰণ হেৰুৱাৰ ফলত বাছখন কক্ষচ্যুত হৈ পথৰ দাঁতিত থকা পুখুৰীত পৰাৰ ফলত বাছখনত থকা প্ৰায় ৩৫ জন লোক আহত হয় ৷
সূত্ৰ অনুসৰি মুঠ ৪০জন শ্ৰমিকক লৈ গৈ থকা অৱস্থাত নিয়ন্ত্ৰণ হেৰুৱাৰ ফলতে উক্ত দুৰ্ঘটনা সংঘটিত হয় ৷ ঘটনা সংঘটিত হোৱাৰ পিছতে আঘাতপ্ৰাপ্ত লোকসকলক ততাতৈয়াকৈ গোলাঘাট চৰকাৰী চিকিৎসালয়ত ভৰ্তি কৰোৱা হয় ৷ অৱশ্যে দুৰ্ঘটনাটোত কাৰো প্ৰাণহানি হোৱা নাই বুলি জানিব পৰা গৈছে
