শান্তিৰ বাৰ্তাৰ মাজতে সামৰিক শক্তি বৃদ্ধিৰ বাবে পদক্ষেপ লৈছে চীনে। সীমান্তত শক্তি বৃদ্ধি কৰিবলৈ নতুন অস্ত্ৰ-শস্ত্ৰৰ ক্ৰয় কৰিছে চীনে ৷ “ইণ্ডিয়া টুডে”ৰ বাতৰি অনুসৰি তেওঁলোকে পুনৰ ২০২০ চনত গালৱানত চীনা সেনাই ব্যৱহাৰ কৰা অস্ত্ৰৰ দৰে অস্ত্ৰ ক্ৰয় কৰিছে। প্ৰশ্ন হয়, বেইজিঙে পুনৰ গালৱানৰ দৰে আক্ৰমণৰ পৰিকল্পনা কৰিছে নেকি?
আপাত দৃষ্টিত বেইজিঙে দাবী কৰিছে যে চীন চৰকাৰ ভাৰতৰ সৈতে সীমা বিবাদ নিষ্পত্তি কৰাৰ পক্ষত আছে। যোৱা সপ্তাহৰ জি-২০ বৈঠকতো ভাৰত আৰু চীনৰ মাজত কূটনৈতিক সৌহাৰ্দ্যতাৰ ছবি দেখা গৈছিল। কিন্তু মুকলি আকাশৰ তলত বন্ধুত্বৰ সুৰ থাকিলেও গোপনে ইয়াৰ বিপৰীত কার্যত চীন লিপ্ত হৈছে বুলি বিশেষজ্ঞসকলে প্ৰকাশ কৰে । কাৰণ, শেহতীয়াকৈ চীনে যিবোৰ অস্ত্ৰ ক্ৰয় কৰিছে, সেইবোৰ অদূৰ ভৱিষ্যতে প্ৰকৃত নিয়ন্ত্ৰণ ৰেখাত আক্ৰমণত ব্যৱহাৰ কৰাৰ সম্ভাৱনা নুই কৰিব নোৱাৰি।
খবৰ অনুসৰি চীনৰ শাসকীয় পিপলছ লিবাৰেচন পাৰ্টিয়ে কেইবাটাও অস্ত্ৰ ক্ৰয় কৰিছে। সেই অস্ত্ৰবিধৰ তিনিটা অংশ থাকে। ওপৰত থকা কাঁইটীয়া অংশই শত্ৰুক আঘাত কৰিবলৈ ব্যৱহাৰ কৰা হয়। ইয়াৰ উপৰিও লোহাৰ দীঘল ৰড আছে। সামগ্ৰিকভাৱে এই অস্ত্ৰটোৰ দৈৰ্ঘ্য ১.৮ মিটাৰ। গালৱানত এনে অস্ত্ৰ ব্যৱহাৰ কৰা হৈছিল। ভাৰতীয় জোৱানক নখৰে ঢাকি থোৱা লোহাৰ ৰডেৰে আক্ৰমণ কৰে চীনা সেনাই। তাত ২০ জন জোৱানৰ মৃত্যু হয়।
চীনৰ সেনাবাহিনীত প্ৰশিক্ষণৰ সময়ত এই ধৰণৰ স্পাইকড অস্ত্ৰৰ ব্যৱহাৰক বিশেষ গুৰুত্ব দিয়া হয়। আনকি সেই দেশৰ পুলিচেও এই অস্ত্ৰৰে অপৰাধীক আঘাত কৰিছিল। চীন সেনাৰ ক্ৰয়-বিক্ৰয় ৱেবছাইটত এই অস্ত্ৰ ক্ৰয়ৰ পৰিসংখ্যা আছে। ড় বেইজিঙে আৰু ২৬০০ এনে অস্ত্ৰৰ অর্ডাৰ দিছে। বহুতে ভাবে যে এই অস্ত্ৰ ভাৰতৰ সীমান্তত ব্যৱহাৰ হ’বলৈ গৈ আছে। সেই অনুসৰি ভাৰতীয় সেনাও সজাগ হোৱাটো প্ৰয়োজন।
