এগৰাকী জনপ্ৰিয় ভাৰতীয় অভিনেতা ভেংকটেশৰ জন্ম দিনটোত সামাজিক মাধ্যম যোগে শুভকামনাৰে উপচাই পেলাইছে তেওঁৰ অনুৰাগী সকলে৷
১৯৬০ চনৰ ১৩ ডিচেম্বৰত জন্ম গ্ৰহণ কৰা ভেংকটেশ এগৰাকী সুদক্ষ অভিনেতা যি নিজৰ অভিনয় প্ৰতিভাৰ দ্বাৰা দৰ্শকৰ মন মুহিবলৈ সক্ষম হৈছে৷ ১৯৮৬ চনত টেলেগু বোলছবি ‘কলিযুগা পাণ্ডাভুলু’ত বলিষ্ঠ অভিনয় কৰি তেওঁ প্ৰথম বাৰৰ বাবে শ্ৰেষ্ঠ অভিনেতা হিচাপে ‘নন্দী বঁটা’ লাভ কৰিছিল ৷ বোলছবি জগতত সুদীৰ্ঘ ৩০বৰ্ষৰ অভিজ্ঞতাৰে ভেংকটেশে বহুকেইখন জনপ্ৰিয় টেলেগু ছবিত অভিনয় কৰি অভিনয় জগতত একন সুকীয়া আসন দখল কৰিবলৈ সক্ষম হৈছে আৰু সমগ্ৰ ভাৰত বৰ্ষতে এজন জনপ্ৰিয় তথা সুদক্ষ,শক্তিশালী অভিনেতা ৰূপে সমাদৃত হৈ পৰিছে৷
অভিনেতা গৰাকীৰ ওপজা দিনত যাচিলোঁ অফুৰন্ত শুভকামনা ৷
