ইউক্ৰেইনৰ এটি ১১ বছৰীয়া শিশুৱে যুদ্ধ বিদ্ধস্ত ইউক্ৰেইনত মাক-দেউতাকক এৰি থৈ অকলে অতিক্ৰম কৰিলে উক্ৰেইনৰ সীমা আৰু ভৰি থ’লে চুবুৰীয়া দেশ শ্লোভাকিয়াত ।শ্লোভাকিয়াৰ অভ্যন্তৰীণ মন্ত্ৰালয়ে জানিবলৈ দিয়া মতে শিশুটিৰ হাতত এটা ফোন নম্বৰ লিখা আছিল ,আনহাতে পিঠিত আছিল এটা বেগ, প্লাষ্টিকৰ মোনা আৰু পাছপোৰ্ট।
শ্লোভাকিয়াৰ মন্ত্ৰালয়ে ফেচবুকত শ্বেয়াৰ কৰা ফটোবোৰত স্লোভাকিয়াত উপস্থিত হোৱাৰ পিছত স্বেচ্ছাসেৱকসকলে শিশুটিক খাদ্য আৰু পানী আগবঢ়োৱা দৃশ্য দেখিবলৈ পোৱা গৈছিল।
মন্ত্ৰালয়ে কয়, “এওঁ হ’ল যোৱা নিশাৰ মহান নায়ক। “তেওঁ স্বেচ্ছাসেৱকসকলক হাঁহি, নিৰ্ভীকতা আৰু দৃঢ়তাৰে জয় কৰিছিল, যি এজন প্ৰকৃত নায়কৰ পৰিচায়ক।”
শ্লোভাকিয়াৰ স্বেচ্ছাসেৱকসকলে নম্বৰটো ব্যৱহাৰ কৰি শিশুটিৰ আত্মীয়সকলৰ সৈতে যোগাযোগ কৰিছিল, যাৰ পিছত তেওঁলোকে তেওঁক নিবলৈ আহিছিল।তেওঁৰ হাতত থকা নম্বৰটো আৰু তেওঁ কঢ়িয়াই অনা কাগজৰ টুকুৰা এটা ব্যৱহাৰ কৰি শিশুটোৰ আত্মীয়সকলৰ সৈতে যোগাযোগ কৰা হৈছিল, যাৰ পিছত তেওঁলোকে শিশুটিক লৈ যাবলৈ আহিছিল।
ফেচবুক পোষ্টটোত কোৱা হৈছে, “গোটেই কাহিনীটো ভালদৰে সমাপ্ত হৈছে।”
খবৰ অনুসৰি ইউৰোপৰ সৰ্ববৃহৎ পাৰমাণৱিক প্ৰকল্পৰ স্থান,দক্ষিণ-পূব ইউক্ৰেইনৰ জাপোৰিজজিয়াৰ পৰা আহিছিল ১১ বছৰীয়া শিশুটি , যি ঠাইক যোৱা সপ্তাহত ৰাছিয়াৰ দ্বাৰা আক্ৰমণ কৰা হৈছিল আৰি ইয়াৰ ফলত বহুত ডাঙৰ দুৰ্যোগৰ আশংকাৰ সৃষ্টি হৈছিল।
আজি ১২ দিন ধৰি চলি আছে ৰাছিয়া-ইউক্ৰেইন তয়াময়া যুদ্ধ, যাৰ ফলত প্ৰচুৰ লোক হতাহত হৈছে আৰু এক অভূতপূৰ্ব শৰণাৰ্থী সংকটৰো সৃষ্টি হৈছে।ৰাষ্ট্ৰসংঘৰ মতে, এতিয়ালৈকে ১৫ লাখ লোকে ইউক্ৰেইনৰ পৰা পলায়ন কৰিছে চুবুৰীয়া ৰাষ্ট্ৰ সমূহলৈ ৷ এই ১১ বছৰীয়া শিশুটিও সেয়েহে পিতৃ-মাতৃ অবিহনে অকলশৰেই উপস্থিত হ’লগৈ চুবুৰীয়া ৰাষ্ট্ৰ শ্লোভাকিয়াত৷ কণমানি শিশুটিৰ তেওঁৰ এই সাহসে আজি আচৰিত কৰি তুলিছে সমগ্ৰ বিশ্ববাসীক ৷ অদ্ভূত সাহসিকতা প্ৰদৰ্শন কৰি আজিৰ দিনটোত সমগ্ৰ বিশ্ববাসীৰ বাবে তেওঁ হৈ পৰিছে প্ৰকৃতাৰ্থত এজন নায়ক ৷
