হিমাচল প্ৰদেশৰ লাহাওল আৰু কিনাৰত বৰফ পৰি ৰুদ্ধ ৫০ত কৈয়ো অধিক পথ

সময়ত কৈ আগতিয়াকৈ ঘটা শীতৰ আগমণত এইবাৰ যেন  স্তব্ধ হৈ পৰিছে হিমাচল প্ৰদেশৰ জনজাতীয় এলেকা সমূহৰ সাধাৰণ লোকসকলৰ জীৱন ৷ বিশেষকৈ চাম্বা আৰু লাহাওল স্পিটি জিলাৰ প্ৰায় ৫০ত কৈয়ো অধিক পথ বৰফাবৃত হৈ বন্ধ হৈ পৰাৰ ফলত দেওবাৰ দিনটোত যেন সম্পূৰ্ণৰূপে  স্তব্ধ হৈ পৰিছিল অঞ্চল কেইটাৰ জনজীৱন ৷ দেওবাৰে ঠাইখনত শূন্য ডিগ্ৰী চেলছিয়াচতকৈয়ো নিম্নগামী হোৱা তাপমাত্ৰাৰ বাবেই বৰফ পৰা আৰম্ভ হৈ পথৰুদ্ধ হৈ পৰিছিল ৷অৱশ্যে আজি ঠাইকেইখনৰ  তাপমাত্ৰা ৫ ৰ পৰা ৬.৫ ডিগ্ৰী চেলছিয়াচ হোৱাৰ লগতে আকাশ ফৰকাল হোৱা পৰিলক্ষিত হৈছে৷