অসমৰ মুখ্যমন্ত্ৰী তথা দক্ষ নেতা ড০ হিমন্ত বিশ্ব শৰ্মাৰ আজি ওপজা দিনত ৰাজ্যৰ অন্যতম সমন্বয়-সংহতি- ঐক্যতাৰ অনুষ্ঠান “বহুবাক” এ শুভেচ্ছা, শুভকামনা, শুভাশীষ জ্ঞাপন কৰে। এক বাৰ্তাত বহুবাকৰ প্ৰধান সম্পাদক দীপক শৰ্মাই কয়- “ড০ শৰ্মাই জনম আমাৰ হৃদয়ৰ পৰা অযুত-নিযুত শুভকামনা জনালোঁ।
মুখ্যমন্ত্রী হিচাপে ড০ শৰ্মাই অসম মাতৃভূমিক এখন সৰ্বাংগ সুন্দৰ ৰাজ্য হিচাপে গঢ়ি তোলাৰ সংকল্প লওক। মহাপুৰুষ শ্ৰীমন্ত শংকৰদেৱ, কলাগুৰু বিষ্ণু প্ৰসাদ ৰাভা, বিশ্বৰত্ন ড০ ভূপেন হাজৰিকাই দেখা অসমখন গঢ়ি তোলক। আমাৰ একান্ত আশা।” মুখ্যমন্ত্রী ড০ হিমন্ত বিশ্ব শৰ্মাক জনম দিনৰ শুভকামনা জনাইছে- বিষ্ণুপ্রিয়া মণিপুৰী সাহিত্য পৰিষদৰ সভাপতি দিলস্ লক্ষ্মীন্দ্ৰ সিংহ, গাৰো সাহিত্য সভাৰ সভাপতি সৰোজ চাংমা, অসম শিশু সাহিত্য সমাজৰ সহ: সম্পাদক প্ৰদীপ নাৰায়ণ ভট্টাচার্য, দক্ষিণ কামৰূপ সচেতন মঞ্চৰ অধ্যক্ষ মদন দাস, প্ৰচাৰ সম্পাদক ৰঞ্জিত মহন্ত, শিক্ষা সম্পাদক শিৰষ দাস, বঙৰা আঞ্চলিক সাহিত্য মঞ্চৰ সভাপতি গৌৰীকান্ত নাথ, পৰাগজ্যোতি প্ৰকাশন আদি দল-সংগঠনে।
সকলোৱে ড০ শৰ্মাই অসম আৰু অসমীয়াৰ নাম নিকা-স্বচ্ছতাৰে জগৎ সভাত স্থান পোৱাৰ বাবে কাম কৰিবৰ বাবে আহ্বান জনায়।
